Partia Demokratike do të përgatisë një paketë ligjore për dekomunistizimin e shoqërisë.

Kjo nismë e PD, vjen pas ngjarjes së djeshme, ku deputeti i PS, Bujar Çela uroi Pavarësinë e foton e diktatorit Enver Hoxha, duke e dërguar në grupin e Komisionit të Sigurisë.

Analisti Dritan Shano i ftuar në studion e RTV Ora me gazetaren Beti Njuma e shikon të vonuar këtë proces.

I pyetur nëse mund të ketë vend për dekomunistizim kur shohim që shumë bashkëpunëtorë apo njerëz që kanë pasur poste kyçe në regjimin komunist mbajnë ende poste kyçe drejtuese ai tha se asnjëherë nuk është vonë.

Shano: Gjithmonë nuk është vonë që të ndahesh nga një sistem vlerash i cili përçan shoqërinë dhe i vendos individët nkundër njëri-tjetrit sepse mendojnë ndryshe. Për aq kohë sa kjo ekziston në shoqërinë shqiptare unë e quaj dekomunistizimin një akt shumë të vlefshëm shumë të vonuar. Unë nuk kam besim në këto forma. Duam të modernizohemi, gjëja kryesore është prona në tërësi. Mbarimi i regjistrimit të pronës në atë masë që është e mundur, kjo e ndryshon realitetin, kjo fillon të zhdukë Enver Hoxhën nga mendja e shqiptarëve.

Gazetarja e pyeti analistin nëse pret diçka nga Kuvendi i thirrur më 11 dhjetor nga zoti Sali Berisha.

Analisti Shano u shpreh se Berisha përfaqëson një pakicë, sikundër dhe Basha përfaqëson një pakicë në PD.

Shano: Blloku kryesor i demokratëve kërkon të shohë nga e ardhmja, jo nga e shkuara. Kjo që po ndodh në PD është një nga gjërat e paimagjinuara ndonjëherë nga ana ime. Unë edhe pse nuk e kam firmosur thirrjen për Kuvendin e datës 11 do shkoj, sepse 4200 firma të delegatëve të atij Kuvendi janë një detyrim i madh për mua që të jem prezent. Unë besoj se janë më tepër se sa 4200 delegatë të cilët e dinë se në 11 dhjetor Sali Berisha do jetë sërish “non grata” po me mençurinë e vet politike arriti të krijojë një temë të cilës Lulzim Basha në 8 vite i ka vënë një kapak të madh plumbi. Konkurrencës dhe mbajtjes së përgjegjësive në një parti politike. Në Shqipëri ekziston kultura që një kryetar partie mund të bëjë çfarë të dojë, mund të bëjë çfarëdo idiotizmi të dojë dhe nuk i hyn asnjë gjemb në këmbë.

Analisti u shpreh se Sali Berisha ka aktivizuar një dobi të madhe për demokratët dhe çdo demokrat kudo qoftë ka 30 vite që e di se ku çalon gomari.

Ndërkohë që Berisha e artikuloi nevojën për të rregulluar çalimin e gomarit, Bashës as nuk i shkon ndërmend sepse mbi këtë mohim total ka ndërtuar prezencën e vete si kryetar i PD-së, dështim pas dështimi, gafë pas gafe, sipas analistit.