Numri i të huajve me leje qëndrimi në Shqipëri në vitin 2020 rezultoi 13.609 banorë, duke pësuar një rritje të lehtë karahësuar me 2019-ën. Pjesën më të madhe të tyre e zënë shtetasit nga Irani.

Kështu raporton INSTAT, ndërsa shton se shtetasit nga Irani, ndiqen nga qytetarët italianë dhe turk. INSTAT thekson se në 2020-ën të huajt me origjinë nga Evropa që aplikojnë për leje qëndrimi në Shqipëri ka rënë ndjeshëm.

Punësimi është arsyeja kryesore e lejeve të qëndrimit të të huajve në Shqipëri. Në vitin 2020 janë evidentuar 18.835 të huaj të parregullt, pjesën më të madhe të së cilëve e zënë emigrantët nga Iraku, Siria, Maroku, Afganistani. Meshkujt zënë 63,8 % në numrin e të huajve me leje qëndrimi në Shqipëri.