Në një marrëdhënie në çift përveç fjalëve ekzistojnë edhe shumë gjeste të tjera që tregojnë se lidhja midis tyre është shumë e fortë.

Gjuha e trupit është një nga elementët që ka shumë rëndësi dhe është një tregues I rëndësishme në përcaktimin e lidhjes emocionale mes partnerëve.

Më poshtë do të lexoni disa nga detajet e gjuhës së trupit që tregojnë për rëndësinë që ju keni në sytë e partnerit.

Kur ecni së bashku, ju kap për beli

Të ecurit së bashku duke e kapur njëri-tjetrin për beli sinjalizon harmoninë mes jush. Kjo tregon edhe faktin se ju nuk jeni vetëm të dashur, por edhe miq të vërtetë. Përveç që dëshmon një rehati mes partnerëve në çift, gjithashtu simbolizon edhe besimin që keni tek njëri-tjetri.

Ju kap fytyrën duke e pozicionuar atë para fytyrës së tij

Kjo është një shenjë që shfaq ndjenjat e fuqishme në një çift. Zakonisht ndodh spontanisht, kur ju kaplojnë ndjenjat e çiltra të dashurisë dhe përkushtimit. Kjo është një mënyrë e përkryer për t’u lidhur me partnerin dhe për t’u ç’kyçur nga bota.

Ju largon flokët nga fytyra duke ju shikuar drejt në sy

Një veprim i tillë thotë heshturazi “Dua të kujdesem për ty”!

 Qëndroni afër kur jeni të rrethuar me shoqëri

Kjo do të thotë se ju përkrahni njëri-tjetrit. Nuk do të thotë se nuk ndjeheni të afërt me shoqërinë tuaj, por se keni një afërsi të veçantë dhe se ndjeheni më të sigurt me partnerin tuaj.

Ju puth ballin

Ky veprim tregon përkushtimin e thellë që partneri juaj ka për ju. Ai është një person mjaft romantik dhe mos u befasoni në qoftë se shpeshherë ju përgatit darka romantike dhe befasi të tjera.

Ktheni kokën për të shikuar njëri-tjetrin kur largoheni

Kur dy persona të cilët janë në çift një kohë më të gjatë kthejnë kokën për të parë njëri-tjetrin kur largohen dhe u drejtohen drejtimeve të kundërta, kjo flet se sa të dashuruar janë ata dhe se nuk e marrin si të garantuar lidhjen, por çdoherë ndjejnë një dhimbje kur paramendojnë ndarjen.

Ju fal përqafime të shpeshta

Kjo flet se sa i kujdesshëm është partneri juaj. Ai do të bënte çdo gjë që mundet për t’u kujdesur për mirëqenien tuaj.