Juristi dhe aktivisti i njohur, Adriatik Lapaj thotë se Shqipëria është një ndër vendet e pakta në botë, ku janë vendosur tetë taksa dhe tarifa mbi naftën.

Në emisionin “Now” në “Euronews Albania”, Lapaj u shpreh se nga 258 lekë që është çmimi sot për një litër naftë, 122 lekë shkojnë si çmim për taksat dhe tarifat.

“Ne jemi ndoshta i vetmi, por nuk po e them me kompetencë të plotë, një nga pak vendet të botë që kemi 8 taksa e tarifa mbi naftën. Kemi taksën 370 lekë për litër akcizë, 270 lekë për litër taksë qarkullimi, 30 lekë për liter taksë karboni, 100 lekë për liter taksë licensimi.

Kemi dhe tarifat. 30 lekë tarifë e markimit dhe e skanimit, 20 lekë tarifa e kontrollit të pompave. Shtohet edhe TVSH-ja që është 20% për të gjithë vlerën bashkë me taksat. Në total, për çmimin 258 lekë për litër që paguajmë sot, 122 lekë shkojnë si çmim për të blerë taksa dhe tarifa”, tha Lapaj.