Bradley Cooper dhe Huma Abedin po dalin bashkë, sipas burimeve për “Page Six”.

Ndihmësja kryesore e Hillary Clinton dhe ish-gruaja e politikanit Anthony Weiner, po frekuentohet me aktorin gjatë muajve të fundit. Ata u prezantuan nga redaktorja e Vogue, Anna Wintour, e cila është e afërt me të dy.

“Ana padyshim bëri mblesëri,” thotë një burim. “Ajo është mikeshë me Bradley-n dhe e adhuron Huma-n.”

Një burim tjetër i Hollivudit konfirmon se Bradley është duke u takuar në mënyrë sekrete me Huma-n prej disa muajsh.

“Bradley u nda me [aktoren] Dianna Agron dhe filloi të takohej me Huma-n. Ata janë të përsosur për njëri-tjetrin, janë të dy të dhënë pas politikës dhe çështjeve njerëzore,” -thotë burimi, duke shtuar se Abedin u ka thënë disa miqve se ka një dikë në jetën e saj, por nuk tha se kush ishte.

Sipas Page Six, ata mbërritën së bashku në Met Gala më 2 maj dhe më pas u ndanë për në tapetin e kuq. Në foto duket Abedin me një fustan të verdhë duke pozuar para kamerave dhe Cooper duke mbajtur distancën pas saj.