Na bëjnë dhe moral pastaj!

Koment nga Nadir Hoti

Në kohë trazirash dalin më mirë në pah ata që nuk interesohen për gjë tjetër vetëm se për xhepin e tyre.

Biden bëri një vizitë në vendet e OPEC-ut me idenë që t’i bindte të shtonin prodhimin e naftës që çmimi në tregje të ulej.

Asnjëra nuk pranoi përveç Arabisë Saudite që u zotua të shtonte eksportin e saj të naftës. Bravo Arabia do thoni ju!

Një minutë!

Ajo nuk do shtojë prodhimin, vetëm eksportet. Por si?!

Arabia po merr nga Rusia naftë me çmim më të lirë se nafta që prodhon vetë dhe e përdor për nevojat e veta, kryesisht prodhim energjie.

Atë naftë që kursen nga konsumi i brendshëm do ta eksportojë (kuptohet me çmim më të lartë se ai i Rusisë).

Dmth do shtojë fitimet pa shtuar prodhimin ndërkohë që gjysma e botës digjet.

Na bëjnë dhe moral pastaj!

Zoti i bëftë ashtu si Ai din më mirë!