10 vendet më të mira në Evropë për adhuruesit e verës

10 vendet më të mira në Evropë për adhuruesit e verës

Evropa është vend i verërave të klasit botëror dhe të vizitosh destinacionet ku prodhohen këto pije elegante është një përvojë pasuruese. 

Vreshtat e kontinentit janë kaq të larmishme, saqë çdo kush mund të gjejë verën e duhur.

Ka 3.2 milionë hektarë vreshta në Evropë, shumica e e të cilave janë në Francë, Spanjë dhe Itali.  Nuk është për t’u habitur që kontinenti prodhon disa nga verërat më të mira, sepse, për kantinat e verës, kjo pije është më shumë se thjesht një produkt, por një kryevepër.

Plovdiv, Bullgari- Plovdivi ka një histori dhe kulturë të pasur. Të eksplorosh kantinat e verës në këtë komunitet mikpritës nuk do të thotë vetëm të pish gllënjkë aty-këtu, por edhe të mësosh për historinë dhe kulturën e lashtë. 

Alentejo, Portugali– Të gjithë ata që vizitojnë këtë zonë krijojnë një përvojë të vlefshme. Ka shumë varietete rrushi në rajon pasi vera është ndër produktet më të vlefshme të Alentejos. Në Alentejo është e zhvilluar gjithashtu dhe industria që i dedikohet tapave të verës. Përzierja e pasur e verërave Alentejo e bën të lehtë të kuptosh pse ky rajon në Portugali respektohet dhe pse duhet mbrojtur.

Bordo, Francë- Verërat e klasit botëror Bordo mundësohen nga klima e bukur e qytetit, llojet e ndryshme të tokës dhe varietetet e shkëlqyera të rrushit. Nga krasitja deri te vjelja, prodhimi i verës në këtë qytet francez është një vepër arti. Ata që duan të eksplorojnë Bordon duhet ta nisin nga muzeu i verërave të Cité du Vin duke vijuar më pas tek vendi ku nisën vreshtat e para të qytetit. Sigurisht që rrugëtimi vijon me Medoc, vendin ku erdhën disa marka prestigjioze. Ndërkohë, Saint-Emilion është i fundit kur bëhet fjalë për pamje mahnitëse. Së fundmi, Entre-deux-Mers do të mahnisë turistët, falë vreshtave të tij të gjera që janë më të mëdhenjtë në qytet. 

Lugina Douro,Portugali–  Kaq mbresëlënëse është kultura e verës në Duoro saqë lugina është renditur si një sit i Trashëgimisë Botërore të UNESCO-s. Pas vizitës në muze, turistët duhet të shijojnë shëtitjen pranë lumit Douro. Bukuria magjepsëse e luginës shijohet më së miri me një gotë vere në dorë dhe me njerëzit e dashur.

Toskana, Itali- Toskana është një nga rajonet, më të mira të verës në Itali dhe është krenare për verërat me me cilësi të lartë të mundësuara nga klima e ngrohtë dhe kodrat e pasura. Gjeografia dhe klima punojnë së bashku për të krijuar një mjedis të favorshëm jo vetëm për prodhimin e verës, por edhe për të vizituar vende të ndryshme. Kjo e bën Toskanën vendin e përsosur për njohësit e verës dhe turistët e rastësishëm. Kuzhina në Toskanë është e mrekullueshme.

Champagne, Francë– Rajoni francez Champagne është vendi ku lindi shampanja. Kjo verë e gazuar unike është e preferuar edhe nga pijëdashësit e rastësishëm dhe është e lehtë të kuptohet pse kur turistët vizitojnë rajonin. Pija e shampanjës është bërë aq e famshme saqë termi mbrohet edhe me ligj. 

Eger, Hungari- Eger është ndër rajonet më të mira të verës për shkak të ofertave të tyre unike. Krenaria e këtij rajoni është Bikavér, që karakterizohet nga një lloj i veçantë përzierje. Eger gjithashtu prodhon Csillag, një verë e bardhë aromatike. Qyteti historik përputhet me elegancën e verës së tij. Eger do të pëlqehet nga turistët pasi prodhon verëra të kuqe dhe të bardha. Ka diçka për të gjithë në këtë qytet hungarez.

Katalonja, Spanjë- Katalanasit, dinë të bëjnë përshtypje nëpërmjet verërave, veçanërisht pasi është vendlindja e kavave me gaz. Rajoni ka një traditë të gjatë të verës që nga koha e fenikasve, më shumë se 3 mijë vjet më parë. Pirja e verës në katalanisht është si një udhëtim në të kaluarën.

Piemonte, Itali- Në këtë rajon turistët duhet të shkojnë me stomakun bosh në mënyrë që të shijojnë çdo gjë që ofrohet nga ky destinacion. Ky rajon italian është më i famshëm për verërat e tij Barolo dhe Barbaresco, por është gjithmonë i gatshëm të ofrojë më shumë. 

Lugina e Rhone, Francë– Verërat nga rrushi Syrah janë ajka e asaj që ofron Rhone Valley, përveç peizazheve piktoreske dhe atmosferës së këndshme. I përshkruar nga lumi Rhone, ky destinacion që prodhon verë është krenar që produktet e tij janë disa nga më të famshmet në botë, si Beaumes-de-Venise, Hermitage dhe Cote-Rotie. Ndoshta, vetëm ndoshta, emrat e verërave franceze janë të vështira për t’u shqiptuar, kështu që turistët i pinë menjëherë ato në vend që të komentojnë.