Bashkia Tiranë nuk i jep askujr llogari per punët që bën, prandaj fillon rehabilitimin menjëherë sapo ka prerë shiritin e inagurimit. Kjo po ndodh me pistat e biçilletave në bulevard si dhe me Parkun Rinia. Ky i fundit i rindërtuar, me një vlerë përtej 1 milion dollarë, u inagurua në qershor 2020.

Vetëm dy vjet më pas një prej shesheve të parku i nënshtrohet një rehabilitimi të ri.

E njëjta gjë po ndodh edhe me bulevardin Dëshmorët e Kombit. Kushdo që ka kaluar aty këto ditë ka arritur të shohë se pistat e biçikletave janë rrethuar me tela dhe janë shqepur plotësisht, në gjatësinë nga selia e kuvendit e deri tek presidenca.

Nderkohë që ato ishin funksionale dhe të përuruara gjatë mandatit Veliaj në 2019 në kuadër të ngritjes së 10 km të para per çiklistët. Në versionin që ka dhënë bashkia pretendon se është rritur fluksi: “Rritja e përdoruesve të biçikletave në kryeqytet, veçanërisht në orët e mëngjes dhe të drekës që përkojnë me oraret e shkuarjes dhe të kthimit nga punë, shtroi nevojën për zgjerim të korsive të biçikletave pasi rrjeti ekzistues nuk po e përballonte më fluksin”. Për këtë “dyndje” të paprë që nuk e parashikoi dot, administrata e Veliajt ka shkatërruar dhe pistat ekzistuese duke e filluar punën nga fillimi.

Gjithkush e kupton se rehabilitime kaq të shpeshta nuk kanë kuptim dhe kjo tregon se ose pinër nuk janë bërë mirë herën e parë ose me to është dashur të vidhet me të dytën. Dhe kur kjo bëhet në zemër të qytetit, në sy të të gjithëve, kuotohet lehtë se ç’ndodh në periferi.