Ushqimet e duhura që ju ndihmojnë të humbni peshë gradualisht

“Humbje peshe” në mëngjes…

Të nisësh një dietë me këmbën e djathtë do të thotë të fillosh me një mëngjes të shëndetshëm që duhet të përgatitet me ushqimet e duhura. Shumë shpesh vakti i parë i ditës është i kursyer, disa e anashkalojnë mëngjesin duke pritur për të ngrënë në drekë, të tjerë përsëri pranojnë një briosh me ‘super kalori’ nga bari ose nga makina shitëse e kompanisë.

Për ata që nuk e pëlqejnë qumështin sepse u duket i patretshëm apo çaji sepse nuk ua mbulon nevojat e përditshme, ja disa ide për të përfituar nga një nga vaktet më të rëndësishme të ditës. Duke ndjekur këshillat e mëposhtme, do të gjeni ushqimet e duhura që ju ndihmojnë të humbni peshë gradualisht, pa e bërë mëngjesin të papëlqyeshëm. Mos harroni të alternoni menutë për të ndryshuar sa më shumë ushqimin.

Të mos mungojë kosi

Zgjidhja ideale për ata që nuk kanë kohë dhe duan të hanë diçka natyrale dhe të lehtë. Kosi me pak yndyrë është i shëndetshëm sepse ngop dhe ndihmon transitin e zorrëve. Me shtimin e drithërave dhe frutave të freskëta kthehet në një rezervë vitaminash dhe karbohidratesh. Kini kujdes të mos zgjidhni ato kremoze që përmbajnë çokollatë, kafe apo fruta të thata dhe për këtë arsye janë të ngjashme me një ëmbëlsirë. Në verë mund të zgjidhni ta ngrini dhe ta shijoni sikur të ishte akullore.

Tërshërë për mëngjes

Është alternativa e drithërave tradicionale që ndonjëherë janë të pasura me sheqer ose përmbajnë ushqime me kalori si lajthitë, mjaltin, çokollatën dhe frutat e thata. Thekonet e tërshërës janë ideale për ata që janë në dietë pasi ngopin dhe nuk ju shëndoshin, gjithashtu mund t’i hani të nxehtë ose të vakët.

Banane

Është një burim i pashtershëm substancash si vitaminat dhe kaliumi. Lehtë për t’u qëruar dhe prerë në feta do t’ju ngop deri në drekë. Mund të shijohet i shoqëruar me drithëra ose me pak kakao të hidhur, pa e sheqerosur, në këtë mënyrë mëngjesi do të bëhet një vakt i plotë dhe i ekuilibruar.

Më pak qumësht dhe më shumë karbohidrate

Për adhuruesit e kësaj pije, këshilla është që përveç zgjedhjes së versionit më të dobët, të pinë gjysmë filxhani në vend të një filxhani të plotë dhe ta shoqërojnë me një fetë bukë të thekur në vend të biskotave që shpesh janë kalorike dhe plot yndyrë, në këtë. mënyrë nuk do të ndiheni të uritur në mes të mëngjesit dhe shija do të jetë e ngopur.

Manaferra të egra

Tashmë të gjithë i dinë përfitimet e këtyre frutave të vogla, të cilat përveçse janë shumë të gjallë dhe për këtë arsye sjellin gëzim në tryezë, janë të pasura me sheqerna frutash, antioksidantë dhe vitamina dhe janë të ulëta në kalori. Mund të shijohen vetëm por edhe me drithëra dhe kos ose në formë reçeli, pa sheqer dhe të lyer me bukë.

/ Burimi www.donnad.it