Lidhu me ne

Mix

Elon Musk sjell fundin e rrjeteve sociale? Ja çfarë duhet të dini për aplikacionin X

Epoka e super-aplikacioneve: Ja çfarë duhet të dini rreth ‘X’ nga Elon Musk.

Çfarë është aplikacioni i ‘gjithçka’-je që do të hidhet në treg nga njeriu më i pasur në botë? Si fillim, emri i tij është ‘X’.

“Twitter është thjesht një përshpejtues për të përmbushur vizionin origjinal X.com,” shkroi Musk të mërkurën në Twitter, vetëm disa ditë pasi rinovoi ofertën e tij për të blerë platformën e rrjetit social.

Në fillim të kësaj jave, Elon Musk bëri një hap drejt negociatave me Twitter, duke e vendosur sërish në tryezë ofertën e tij për blerjen prej $44 miliardë dollarësh.

Ai la gjithashtu të kuptohet se ky do të ishte thjesht një hap drejt krijimit të vizionit të tij të mundshëm për platformën e rrjeteve sociale me emrin X.

Por cfarë është X – dhe pse quhet aplikacioni i gjithçka-je?

Musk në të kaluarën ka hedhur idenë për ta kthyer Twitter-in në “super aplikacionin” e radhës, në të njëjtin nivel me platformat e ngjashme që kanë nisur të eksperimentohen në Azi, si WeChat ose Grab.

Në maj në podcast-in All-In, Musk tha se SHBA-ja ka nevojë për një super aplikacion. “Ose do të konvertoj Twitter-in në atë, ose do të filloj diçka të re. Duhet të ndodhë ama, në një mënyrë ose një tjetër,” tha ai.

“Nëse jeni në Kinë, jetoni në WeChat”, tha Musk. “Ai bën gjithçka. Është njësoj si Twitter, plus PayPal, plus një grup i tërë gjërash të bashkuara në një, me një interface të shkëlqyer. Është me të vërtetë një aplikacion i shkëlqyer dhe ne nuk kemi asgjë të tillë jashtë Kinës.”

Super aplikacioni, vazhdoi ai, duhet të shërbejë si një “shesh dixhital i qytetit” që lejon përdoruesit të lënë komente dhe të postojnë video.

Pasi platforma të tilla do të arrijnë një nivel të lartë besueshmërie tek publiku, tha Musk, “atëherë pagesat, qofshin ato me kripto ose valutat fiat, do të jenë shumë më të aksesueshme nga përdoruesit”.

Në një event me punonjësit e Twitter një muaj më vonë, Musk e përsëriti sërish këtë ide. Në Kinë, “ju në thelb jetoni në WeChat,” tha Musk, “sepse është kaq i përdorshëm dhe i dobishëm për jetën e përditshme, dhe mendoj se nëse mund ta arrijmë këtë, apo edhe t’i afrohemi kësaj në Twitter, do të ishte një sukses i jashtëzakonshëm.”

Ai sugjeroi gjithashtu që baza e përdoruesve të Twitter mund të rritet nga pak më shumë se 200 milionë në “të paktën një miliard njerëz”.

Musk bashkë-themeloi një bankë online të quajtur X.com në vitin 1999, e cila më vonë u bashkua me një kompani tjetër për të formuar PayPal. Në vitin 2017, ai rifitoi emrin e domainit X.com nga PayPal për një shumë të pazbuluar.

Ndërkohë, Musk themeloi SpaceX në vitin 2002 dhe nëpërmjet kompanisë së tij të makinave, Tesla, lëshoi ​​Modelin X në vitin 2015.

Për të ndjekur ofertën e tij në Twitter, Musk krijoi tre kompani holding në Delaware, të gjitha me variacione të emrit “X Holdings”.

Krijimi i një “super aplikacioni” me bazë në SHBA nuk do të ishte një detyrë e lehtë, veçanërisht kur marrim parasysh numrin e rivalëve me të cilët atij do t’i duhej të përballej, qofshin këto Facebook, Instagram apo TikTok për sa i përket rrjeteve sociale por edhe Amazon dhe Walmart për sa i përket blerjeve online e më pas Paypal për transaksionet dhe pagesat online e kështu me radhë.

Krijimi i një super-aplikaconi është një ide ambicioze që i përfshinë të gjitha ofertat e botës digjitale në një. Blerjen e artikujve dhe shërbimeve të ndryshme, porositjen e një taxi-je, një pice apo edhe një bilete për kinema. Shtoi kësaj edhe prezencën në rrjetet sociale, dhe ky lloj aplikacioni do të rrëzonte praktikisht shumicën e gjigandëve aktual të teknologjisë.

Musk është një njeri surprizash, ndaj do të shohim se sa ai do të jetë i aftë të mbajë fjalën e tij rreth aplikacionit ‘X’.

Një gjë ama është e sigurt. Ai sapo ka bërë disa armiq shumë të fuqishëm duke u shtuar në listën e zezë të disa prej njerëzve më të fuqishëm në botën digjitale.

MË TEPËR

Mix1 ditë më herët

Si mund të ndihmojë magnezi me simptomat e menopauzës

Menopauza është procesi natyror biologjik që shënon fundin e ciklit menstrual. Për shumë gra, ky tranzicion mund të vijë me...

Mix1 ditë më herët

“Nuk ka të famshëm në Shqipëri” – thotë Fabian Basha

Këngëtari i njohur, Fabian Basha, ka qenë dje i ftuar në emisionin “Live From Tirana”. Ish-anëtari i grupit të njohur,...

Mix1 ditë më herët

Tre telefona inteligjentë Redmi për të bërë super fotografi

Redmi është një nën-markë e Xiaomi dhe në këtë artikull të dedikuar do të zbulojmë tre telefonat inteligjentë më të...

Mix1 ditë më herët

Studimi shkencor vërteton se cili film horror është më i frikshmi i të gjitha kohërave!

Cili është filmi juaj i preferuar i frikshëm? Epo, kjo është padiskutim çështje preference, por nëse po pyesni veten se...

Radar1 ditë më herët

Konstatimi i Arlind Qorrit: Çim Peka dhe Sokol Balla, të vetmit gazetarë që s’më ftojnë kurrë

Kreui i Lëvizjes Bashkë Arlind Qori ka konstatuar se Çim Peka dhe televizioni i drejtuar prej tij Syri Tv dhe...

Mix1 ditë më herët

Nuk publikohet kënga e fundit e Liam Payne “Do No Wrong”!

Të shumtë ishin fansat e Liam Payne, që mezi prisnin këngën e tij më të re “Do No Wrong”, një...

Mix1 ditë më herët

Themeluesi i TikTok, Zhang Yiming bëhet njeriu më i pasur i Kinës

Themeluesi i ByteDance, Zhang Yiming, është identifikuar si individi më i pasur i Kinës, me një pasuri personale prej 49.3...

Kryesore1 ditë më herët

Trimëritë e Tiranës/Pse nuk u qëlluan me vezë deputetët vrasës dhe tutorë prostitutash?

Dikush qëlloi Fredi Belerin me vezë. Akuza ishte e rëndë: Ke vrarë dhe vjen këtu na bën karshillëk! Sigurisht që...

Mix2 ditë më herët

Kush është i dashuri i Gisele Bundchen? Gjithçka rreth Joaquim Valente

Joaquim Valente, instruktori jiu-jitsu në Miami dhe partner i supermodeles Gisele Bündchen, ka tërhequr vëmendjen jo vetëm për marrëdhënien e...

Mix2 ditë më herët

Sekretet për flokë të gjatë dhe të shëndetshëm!

Flokët e gjatë dhe të shëndetshëm janë një simbol i bukurisë dhe shëndetit. Të gjithë dëshirojmë të arrijmë atë pamje...

Facebook