Mix
Pirja e alkolit gjatë shtatzënisë ndryshon trurin e foshnjës, zbulon studimi
Pirja e sasive të vogla të alkoolit gjatë shtatzënisë mund të ndryshojë strukturën e trurit të foshnjës dhe të vonojë zhvillimin e trurit të tij, sipas një studimi të ri në Austri.
Shkencëtarët analizuan skanimet MRI të fetuseve, nënat e të cilëve kishin raportuar se kishin pirë alkool gjatë shtatzënisë, duke i krahasuar ato me skanimet e foshnjave, nënat e të cilëve nuk pinin alkool.
Ata zbuluan se edhe në rastet e ekspozimit të nivelit të ulët të alkoolit, ndryshimet në strukturën e trurit ishin të mëdha.
Këshillohet gjerësisht nga ekspertët dhe organizatat shëndetësore që gratë shtatzëna të shmangin alkoolin, për shkak të rrezikut të njohur të dëmtimit të fetusit.
Pirja e alkoolit gjatë shtatzënisë mund të shkaktojë gjendje të quajtura çrregullime të spektrit të alkoolit të fetusit, të cilat mund të çojnë në vështirësi në të mësuar, probleme të sjelljes ose vonesa të të folurit.
Studiuesit pas studimit paralajmëruan se shumë gra shtatzëna nuk janë ende të vetëdijshme për efektet e mundshme të alkoolit tek foshnja gjatë shtatzënisë.
Për studimin, studiuesit analizuan skanimet MRI të 24 fetuseve që ishin ekspozuar ndaj alkoolit.
“MRI e fetusit është një metodë ekzaminimi shumë e specializuar dhe e sigurt që na lejon të bëjmë deklarata të sakta rreth maturimit të trurit para lindjes,” tha Gregor Kasprian, një profesor i asociuar i radiologjisë në Universitetin Mjekësor të Vjenës.
