Rita Ora me single të ri, “You Only Love Me”

Rita Ora me single të ri, “You Only Love Me” pubikohet në fund të muajit

Rita Ora vjen më një këngë të re dhe ajo titullohet ‘You Only Love Me’. Single do të publikohet në fund të këtij muaji dhe 32-vjeçarja premton surpriza.

Këngëtarja me origjinë shqiptare Rita Ora ka konfirmuar se single i saj i ri do të vijë në fund të këtij muaji. 32-vjeçare ndau një klip të këngës së re ‘You Only Love Me’ dhe zbuloi se do të publikohet së shpejti, ndërsa la të kuptohet edhe për albumin e saj të tretë.

Këngëtarja e ‘Anywhere’ qendroi për pak kohë në Shqipëri duke punuar dhe u ka premtuar fansave se mund të presin shumë projekte të reja. E pyetur se çfarë po bënte në Shqipëri, ajo tha vitin e kaluar në tetor

“Një album i ri – janari i vitit të ardhshëm. Do të jetë e mrekullueshme. Më shumë muzikë dhe një film. Ëndrra ime është t’u tregoj të gjithëve se ju mund të bëni më shumë se një gjë.

Mund të jesh muzikant, aktor, kërcimtar, nënë, hallë në të njëjtën kohë. Unë dua të provoj dhe të bëj gjithçka,” tha ajo.

Aktorja e ‘Fifty Shades’ paralajmëroi fansat e saj se mund të kenë nevojë për një ose dy pije alkoolike përpara se të dëgjojnë këngët e saj të reja, duke vënë në dukje se po zbulon shpirtin e saj.

Rita Ora pranoi se ka luftuar me presionin e të qenit në qendër të vëmendjes dhe thotë se miqtë e saj të ngushtë dhe familja e kanë ndihmuar kur mendoi të linte karrierën e saj.