Ahmed Kalaja, një hoxhë i njohur nga Shqipëria, ka bërë një postim të çuditshëm në profilin e tij në Facebook.

I ndjekur nga 282 mijë persona, Kalaja e ka shfrytëzuar faqen e tij të popullarizuar për t’u lutur për Andrew Taten, njeriun më të frikshëm të internetit.

Ai ka shkruar një lutje të shkurtut, natyrisht drejtuar Zotit.

“Zot ruaje e mbroje habibin!” – shkroi z. Kalaja, imami i njohur i xhamisë “Dine Hoxha” në Tiranë.

https://www.facebook.com/photo.php?fbid=740680054087586&set=a.289707929184803&type=3

Në fund, z. Kalaja shkroi edhe “amin”, një mbarim që përdoret në fund të lutjeve, në kuptimin “ashtu qoftë”.

Por shumë njerëz, që duket të jenë kryesisht myslimanë, i kanë reaguar në komente, duke i treguar se ai vazhdon të ketë në pronëse kazino e të akuzohet për trafikim të qenieve njerëzore, dy nga gjërat që i ndalon islami, për të cilën flet z. Kalaja.

Megjithatë, postimi i z. Kalajës ka marrë shumë pëlqime. Më saktësisht, deri tani ka marrë mbi 6 mijë e 400 pëlqime, shumica dërrmuese përkrahëse.
Ndryshe ish-kampioni i kikboksit Tate njihet për sulmet e tij kundër grave – qoftë kur thotë se gratë që sulmohen seksualisht duhet të marrin “pak përgjegjësi”, qoftë kur thotë se gratë janë “të dhuruara te burrat dhe që i përkasin burrit” ose kur thekson në videot online që ai del me vajta nga 18 e 19 vjet sepse te to mund të lë gjurmën e tij.

/nacionale.com