Radar
Xhemi Shehu përsërit me ironi fjalët e Ramës: Pusho i qetë Pal, ‘rendi nuk ka qenë kurrë më mirë se sot’…
Moderatorja e Top Channel ironizon Ramën: Pusho i qetë Pal, ‘rendi nuk ka qenë kurrë më mirë se sot’…
Kryeministri Edi Rama u shfaq në mbrëmje në Top Channel, disa orë pas sulmit tronditës me armë mbi këtë televizion.
Pasi u përplas ashpër me gazetaren Klodiana Lala, Rama bëri disa deklarata që kanë zemëruar ndjeshëm opinionin publik.
Rama tha se liria e medias nuk ka qenë kurrë më mirë se sot, edhe pse raportet ndërkombëtare thonë krejt të kundërtën.
Por edhe pse ndodhej në median që kishte përjetuar një ngjarje që ka shokuar edhe të huajt jo më shqiptarët, Rama tha me qetësi se rendi në Shqipëri nuk ka qenë kurrë më mirë se sot.
Ka qenë moderatorja e Top Channel, Xhemi Shehu që ka ironizuar me këto deklarata të Ramës.
Në një postim në median sociale, duke publikuar një foto nga vendi ku humbi jetën roja Pal Kola, ajo shkruan: Të pushoftë shpirti në paqe Pal.
Ndërkohë më poshtë në thonjëza, ajo fut deklaratën e Ramës: “Rendi s’ka qenë kurrë më mirë se sot”.
