Druri në kuzhinë, jo për të gjithë

Pirunë dhe lugë druri, pjata karakteristike druri me të cilat shërbehen meze të shijshme mishi apo djathëra në restorante në të gjithë Italinë. Druri është kudo.

Ky është, në fakt, materiali më i natyrshëm në mes te të gjithë materialeve që gjenden në kuzhina, por kjo nuk duhet t’ ju gënjejë duke menduar se ky është më i sigurti. Është shumë e vështirë të pasqyrohet në burime zyrtare shkencore, pasi ai është një material që ende nuk është njohur për përdorim ushqimor, madje edhe në nivele evropiane. Druri në vetvete është i përshtatshëm për kuzhina, por me një kusht: ju duhet ta pastroni atë siç duhet si dhe ta mbani atë në mënyrën e duhur. Ja se si:

• Gjithmonë i lani pas çdo përdorimi, pllaka prej druri apo pirunët a lugët duhet të lahen me ujë të nxehtë dhe detergjentë të lëngshëm. I fshini dhe i thani me kujdes, pasi lagështia inkurajon rritjen e baktereve dhe mykut. Për të njëjtën arsye mos i futni në asnjë pjatalarëse!
• Do të ishte mirë të mbani në shtëpi një pllakë prerjeje për çdo përdorim: një për mishin, një për peshkun, një për sallamin, një për perimet dhe një për ushqimin e gatuar. Kjo është për të shmangur kontaminimin.
• Enët prej druri duhet të ndryshohen shpesh: kur e shihni se ato jenë nxirë, që kanë shumë të çara nga prerja, kjo do të thotë se është koha për të blerë të reja.