Për shumicën e grave, menopauza është diçka që ndodh gjatë moshës së mesme dhe është shenjë e përfundimit të viteve të riprodhimit.

Për shumicën e njerëzve, kjo ndodh në një moshë mesatare 52 vjeç, sipas Dr. Stephanie Faubion , drejtoreshë e Qendrës Mayo Clinic për Shëndetin e Grave. Në përgjithësi, mosha normale për menopauzën është 45 vjeç e lart.

Por në raste të caktuara, menopauza fillon në një moshë më të re – dhe kjo ndonjëherë mund të jetë problem.

Cilat janë shenjat e menopauzës së hershme?

Shenjat dhe simptomat e menopauzës së hershme janë të ngjashme me ato të menopauzës natyrale, duke përfshirë temperaturë e lartë e trupit, djersitjet gjatë natës, thatësinë vaginale, ndryshimet e humorit dhe vështirësinë për të fjetur. Shqetësimi emocional, ankthi dhe depresioni mund të zhvillohen gjithashtu.

Dallimi është vetëm mosha në të cilën fillojnë këto simptoma, e cila është nën 45 vjeç për menopauzën e hershme dhe pas 45 për menopauzën “e rregullt”.

Përveç kësaj, nëse periodat tuaja ndalojnë për të paktën tre muaj kur jeni nën 45 vjeç (dhe nuk jeni shtatzënë), kjo është një shenjë e menopauzës së hershme dhe duhet të kontrollohet nga një mjek.

Por disa persona mund të jenë asimptomatikë. Dhe pa simptoma nuk ka gjithmonë një shtysë të madhe që të shkosh në zyrën e mjekut për të parë se çfarë po ndodh. Por këta persona janë në rrezik për sa i përket kockave, trurit dhe zemrës nëse nuk marrin terapi hormonale”, thonë ekspertët.

“Ata gjithashtu mund të kenë një rrezik më të lartë për të zhvilluar kancere të caktuara, duke përfshirë kancerin e gjirit dhe vezoreve”, shtoi Enyart.