Mix
Doni të hiqni dorë nga duhani, por nuk mundeni? Këto janë 6 ushqime që do jua bëjnë shumë të lehtë
Vështirësia më e madhe për të gjithë duhanpirësit është të heqin dorë përfundimisht nga duhani dhe kjo ndodh për shumë arsye.
Ka disa që e kanë më lehtë të heqin dorë menjëherë dhe disa të tjerë që mund ta provojnë për ta lënë gradualisht. Për këtë individi duhet të ketë edhe një ndihmë të shtuar përveç vullnetit të tij, si këshilla me një psikolog, zgjedhja e ushqimeve të duhura për konsum, si dhe tolerancë në situata paksa jo normale që mund të përjetojë.
Një studim i botuar në revistën “Nicotine and Tobaço Research” zbuloi mes 1.000 duhanpirësve se ata që hanin më shumë fruta dhe perime, kishin tri herë më shumë gjasa ta linin duhanin për të paktën 30 ditë, në krahasim me ata që hanin sasi më të vogla. Ndaj ushqimet që do ju ndihmojnë të hiqni dorë lehtësisht prej tij janë:
Patëllxhani
Një nga ushqimet e përditshme që përmban nikotinë dhe që gjendet shpesh në gatimet vegjetariane është patëllxhani. Kjo perime është në fakt një bimë e madhe dhe ka 100 mikrogramë nikotinë befasuese për çdo gram.
Patatet
Patatet mund të përmbajnë rreth 15 mikrogramë nikotinë. Patatet e gjelbra përmbajnë një përqendrim më të lartë të nikotinës, por duke qenë se nuk janë të pjekura, nuk janë më të mirat për konsumim.
Lulelakra
Lulelakra nuk është shpesh në listën e llojeve të preferuara të perimeve, por në fakt përmban edhe sasi të ulëta të nikotinës, rreth 16.8 mikrogramë nikotinë.
Specat e gjelbër
Specat e gjelbër janë shpesh pjesë përbërëse e vakteve të ndryshme dhe shkojnë mirë me makaronat, ushqimet pikante dhe sallatat. Edhe pse është vetëm një sasi e vogël, një spec i gjelbër mund të përmbajë midis 7.7 dhe 9.2 mikrogramë nikotinë.
Domatet
Domatet e papjekura zakonisht përmbajnë një përqendrim më të lartë të nikotinës, por ndërsa piqen përqendrimi tenton të bjerë. Një domate me madhësi mesatare përmban afërsisht 7.1 mikrogramë nikotinë.
Çaji
Çaji është një nga pijet e nxehta më të njohura në botë dhe mund të ndihmojë në frenimin e dëshirave tuaja për nikotinë. Megjithatë, vetëm disa çaje të zier mund të përmbajnë nikotinë. Zakonisht, përqendrimi i nikotinës në çaj varion nga 100 deri në 285 mikrogramë.
