Ata të cilët e fotografojnë ushqimin…

Disa njerëz e kanë zakon që para se ta konsumojnë ushqimin ta fotografojnë, dhe më pas ta publikojnë atë në rrjetet sociale.

Por, shkenca siç duket ka një shpjegim prapa kësaj dukurie. Gjatë një hulumtimi të bërë vitet e fundit, ku morën pjesë 120 pjesëmarrës, u gjet se ata të cilët e fotografonin ushqimin para se ta hanin e shijonin më shumë atë më pas.

Gjysmës së pjesëmarrësve në studim iu kërkua që ta fotografojnë ushqimin para se ta hanë, ndërsa gjysmës tjetër jo. Ata që e kishin fotografuar ushqimin thanë se ai kishte shije më të mirë dhe e kishin ngrënë atë të tërin, ndryshe nga ata të cilët nuk i kishin bërë fotografi ushqimit të njëjtë.