12 ushqimet që përshpejtojnë tretjen

Është fakt i mirënjohur tashmë se për të ulur kilet e tepërta apo për të mbajtur peshën në kontroll nuk është e nevojshme të konsumohen vetëm ushqime të lehta dhe dietike, por vendosja në pjatë e ushqimeve të duhura dhe që ndihmojnë të harxhosh më shumë energji, për rrjedhim edhe kalori

 

Jo vetëm ananasi dhe xhenxhefili, por edhe salmoni, kakao, hudhra dhe shumë produkte të tjera ushqimore janë në top listën e ushqimeve që të djegin yndyrat e trupit, të ndihmojnë të ruash format dhe të mos shtosh peshë. Me konsumimin e këtyre ushqimeve trupi ynë është në gjendje të përshpejtojë metabolizmin dhe përmirësojë tretjen. Është fakt i mirënjohur tashmë, për të ulur kilet e tepërta apo për të mbajtur peshën në kontroll nuk është e nevojshme të konsumohen vetëm ushqime të lehta dhe dietike, por vendosja në pjatë e ushqimeve të duhura dhe që ndihmojnë të harxhosh më shumë energji, për rrjedhim edhe kalori. Për këtë hyjnë në punë ushqimet që ndihmojnë metabolizimin, mekanizmi kryesor i cili në rast se funksionon mirë ndihmon në djegien e kalorive dhe mosshtimin e peshës.

Alga deti

Konsiderohen aleati kryesor i metabolizmit. Algat përmbajnë një pigment të quajtur “fucoxanthin”, e cila redukton nivelin e yndyrave në gjak, përveç kësaj substance, tek algat e detit gjejmë shumë acide yndyrore të pangopura dhe fibra dietike, të cilat ndihmojnë në pastrimin e enëve të gjakut dhe rregullojnë punën e zorrëve, duke përmirësuar sistemin tretës.

Ananas

Ananasi përmban bromelinë, një enzimë, e cila në rast se konsumohet në mes të vaktit, favorizon tretjen e proteinave. Por në rast se konsumohet esëll, parandalon mbajtjen e ujit duke ndikuar pozitivisht në kontrollin e celulitit. Konsumimi i këtij fruti ndihmon sistemin tretës dhe parandalon kapsllëkun.

Hudhër

Është e pasur me minerale, aminoacide dhe vitamina, por e varfër në kalori. Hudhra është shumë e dobishme për të riaktivizuar metabolizmin, pasi arrin të kontrollojë më së miri nivelet e sheqerit dhe kolesterolit në gjak, duke fuqizuar kështu sistemin imunitar. Për të rritur përfitimet e hudhrës këshillohet të konsumohet e gjallë.

Shafrani i Indisë

Shafrani i Indisë stimulon organizmin për të përdorur yndyrat e depozituara, teksa mëlçia i përpunon yndyrat që merren gjatë ngrënies, veçanërisht ato që rrjedhin nga karbohidratet komplekse dhe nga sheqernat e rafinuar. Nga ana tjetër ushtron kontroll mbi urinë sepse stimulon leptinën, një hormon i prodhuar nga indi dhjamor që rregullon ndjesinë e ngopjes.

Salmon

Është burimi kryesor i Omega-3, të ashtuquajturat yndyra të mira, këto substanca veprojnë mbi leptinën, hormoni që përcakton shpejtësinë me të cilën “magazinohen” dhe digjen kaloritë. Salmoni konsiderohet si një prej burimeve më të mira të proteinave të mira, vitamina dhe minerale, duke përfshirë potasium, selenium dhe vitaminë B12.

Tërshëra

Metabolizmi ka nevojë për të djegur yndyrën dhe për të ushqyer muskujt dhe një ditë e mirë dhe e shëndetshme duhet të nisë me një mëngjes të shëndetshëm, prandaj tërshëra është e njohur si një ushqim që ka pak kalori dhe yndyra. Prandaj, edhe veten do ta ndiesh më të lehtë nëse çdo ditë e nis me tërshërë.

Molla

Molla përmban pektinë, e cila është e njohur që ndihmon të ndiheni të plotë, dhe kjo ndjenjë ngopjeje do të zgjasë për një kohë të gjatë. Pektina në mollë ul LDL, kolesterolin e “keq”. Njerëzit që hanë dy mollë në ditë mund të ulin kolesterolin e tyre më shumë se 16% në ditë. Kërkime të tjera treguan se pektina në mollë ul rrezikun e kancerit të zorrës së trashë dhe ndihmon në mbajtjen e një trakti të shëndetshëm në tretjen e ushqimit.

Avokado

Duke konsumuar avokado do të arrini të përmirësoni formën fizike, pasi studime të shumta kanë treguar efektet pozitive në dietën ushqimore, duke e bërë atë më të ekuilibruar. Ky frutë shton në organizmin e vet 36 për qind më shumë fibra dhe vitaminë E. Në të njëjtën kohë merr edhe një sasi prej 16 për qind magnezium shtesë mesatares, 16 për qind potasium, dhe 48 për qind vitaminë K.

Kakao e hidhur

Përveçse përmirëson metabolizmin duke e stimuluar, kakao pluhur reagon mbi zonat që japin ndjesinë e urisë duke dhënë ndjesinë e ngopjes. Përmban teobromina, një substancë e cila kryen funksionin e stimuluesit në krahasim me metabolizmin, po kështu ndihmon në djegien e yndyrave.

Kanellë

Ajo është një erëz e cila mund të parandalojë sëmundje sezonale dhe gripin, falë vlerave antibakteriale dhe anti-inflamatore, është një tretës shumë i mirë dhe lehtëson shqetësime si diarreja. Kanella është një antiseptik shumë i fuqishëm por edhe antioksidues. Gjithashtu, kanella është një kurë efikase ndaj urisë nervore dhe ndihmon ato që ndjekin një regjim ushqimor hipokalorik, sepse parandalon ndjenjën e urisë.

Qitro

Ky frutë përmban një tjetër vitaminë shumë të rëndësishme, vitaminën A, po kështu fibra dhe minerale. Me konsumimin e këtij fruti përveçse furnizohemi me vitaminat A dhe C, gjithashtu ndihmojmë në lehtësimin e personave që vuajnë nga artriti, mbajtjen e lëkurës së shëndetshme në mbrojtjen e imunitetit.

Spinaq

Spinaqi dhe përgjithësisht perimet jeshile janë burim i fibrave, vitaminave, ujit dhe antioksidantëve, substanca që kanë efekt të favorshëm në metabolizmin dhe në ndjesinë e urisë. Në të vërtetë ndihmojnë në rregullimin e sheqerit në gjak dhe kalimin e ushqimit në aparatin tretës.