Frutat dhe perimet më të mira për trurin dhe lëkurën

Dihet që një lëng i freskët është një ilaç për trupin. Një konsumim i rregullt i lëngjeve të frutave dhe perimeve ka efekte shumë të mira mbi organizmin tonë. Ndikimet pozitive ndihen që nga niveli i energjisë që kemi në jetën e përditshme, mbajtja e peshës ideale, ekuilibrimi i funksioneve të trurit, shëndeti i lëkurës, ekuilibri hormonal, e shumë të tjera.

1- FRUTA E PERIME PËR TRURIN

Selinoja:

është një perime shumë e pasur në luteolin, një substancë që ndihmon në zhdukjen atyre molekulave që shkaktojnë inflamacion. Perime me nivele të larta luteolin janë edhe karrotat, specat dhe spinaqi.

Domatja:

përmban një substancë të quajtur lycopene në sasi të mëdha, një nga substancat më të forta në luftën kundër radikalëve të lirë, një antioksidant i fuqishën që ndihmon në mbrojtjen e funksioneve të trurit nga dëmtime të ndryshme. Nëse nuk të pëlqen domatja, sasi më të vogla lycopene mund të gjenden në fruta të ndryshme si guava, shalqiri dhe rrushi.

2- FRUTA E PERIME PËR LËKURËN

Aloe vera:

është jashtëzakonisht hidratuese dhe shëruese nëse pihet si lëng. Hidratimi ndihmon lëkurën, e bën më të shëndetshme dhe rrezëlluese. Aloe ka gjithashtu sasi të mëdha vitamine C dhe enzima që ndihmojnë në qarkullimin e gjakut dhe rinimin e indeve organike të vjetëruara.

Panxhari:

një mëlçi e bllokuar mund të shkaktojë akne kudo në trup, jo vetëm në fytyrë. Duke qenë pastruesi më i mirë i gjakut dhe i mëlçisë, panxhari ndihmon për të pasur një lëkurë të pastër dhe të shëndetshme.

Karrota:

përmban nivele të larta vitamine A në formën e beta-karotene, një antioksidant i fuqishëm që parandalon degjenerimin qelizor dhe ngadalëson procesin e plakjes së organeve. Ka gjithashtu shumë vitaminë C e cila ndihmon trupin në prodhimin e kolagjenit. Karrota përmban edhe potasium, që ndihmon përtëritjen e qelizave në lëkurë.

Lakër jeshile:

është një perime plot me vitamina (përmban vitaminat A, C, K, E) dhe substanca ushqyese (duke nisur nga kalcium dhe  beta-karotene), por jo vetëm kaq: përmban edhe yndyrna të mira, të famshmet omega-3 dhe omega-6. Lakra jeshile është një bombë e vërtetë jo vetëm për lëkurën.