Ish-zëdhënësja e ish-kryeministrit Sali Berisha, Erla Mëhilli thotë se Rama ka marrë shumë si lider nga Berisha.

Në emisionin “PolitkOn”, Mëhilli u shpreh se nëse Basha humbet në zgjedhje duhet të respektojë standardin që vuri Berisha dhe të largohet nga drejtimi i partisë.

“Sot më shumë se kurrë Rama ka marrë më shumë se kurrë nga Berisha si lider. Sa më shumë kalon koha sikur tenton ta imitojë dhe e adhuron në fshehtësi. Personalisht kështu më duket. Është rritur shumë politikisht duke mësuar nga Berisha. Kështu sikurse është politika sot nuk kthehem në politikë. Nuk parashikoj dot rezultatin e zgjedhjeve, nuk parashikoj dot të pakënaqurit e PS-së, rënie e LSI-së dhe ngritjen e PD-së. Nëse humbet PD-ja duhet të respektojë standardin që ka vendosur Berisha. Nëse nuk fiton duhet të hapë krahun dhe t aprovojë dikush tjetër”, tha Mëhilli.