Kioske
Na i dhanë si hashash cilësor. Akoma s’po na del gjumi.
Nga Agim Xhafka
Dyshoj që në Shqipëri ka pasur forca partizane të mirëorganizuara dhe është bërë Luftë e ashpër Nacional-Çlirimtare.
Thjesht ne u çliruam nga lufta e Amerikës dhe e Rusisë kundër nazizmit. Pra ishim rrjedhojë.Kam disa arsye e fakte,por po sjell më kryesoren.
Populli ynë nuk lëviz qimen për lirinë. Në se do e kishim shporrur me pushkë fashizmin e do derdhnim gjak për lirinë,atëhere në shpirtin e brezave do ishte gdhendur revolta ndaj çdo shtypje e çdo poshtërimi.
Por ndodhi e kundërta. Heshtëm për 50 vjet kur njeriut iu hoq çdo e drejtë. Nuk lëshuam një zanore kur internohej për bindje fqinji ynë me pleq e fëmijë. Shihnim si hiqeshin zvarrë në qytete ata që mendonin ndryshe e nuk lëvizëm as gishtin. U ushqyem me tallon e jetuam në uri e heshtje….Reagim i një populli luftëtar është ky?
Vazhdojmë sot kur qeverisemi nga fëmijët e nipat e pushtetit të diktatorit. Na rrejnë dhe ne duartrokasim,u japin drogë fëmijëve dhe ne qeshim,na rrahin e ne trembemi,rrëmbejnë copa të atdheut e ne nuk ulërijmë,por marrim arratinë si popull.
Ja pse provohet që lufta jonë partizane ka qënë hiperbolë komuniste,një ëndërr e frikacakëve. Se popujt antifashistë gjakun e kanë me leukocite lirie,me shkëndija proteste e zjarr përvëlues ndaj çdo shtypje e mashtrimi.
Ja, në këmbë evopianë kudo në se qeveria i gënjen,e gjithë Franca,Italia,Holanda etj bëhen trup për të drejtat e njeriut. Shqiptari tundet nëpër kafe.Fle dhe pandeh se ka pasur trima e partizanë kjo tokë e begatë me njerëz apatikë,dembela e frikacakë.
Nanuriset në gënjeshtra e në kotësi…Siç u provua Lufta është bërë nga Kinostudioja komuniste. Me skenar nga historianët e leshit. Na i dhanë si hashash cilësor. Akoma s’po na del gjumi. Gërhasim e gërhasim. Flemë e flemë…
