“Nuk luajta unë me Messin, ai luajti me mua”, Eto’o “korrigjon” pyetjen e gazetarit

Samuel Eto’o bën pjesë në grupin e lojtarëve që kanë luajtur me Messin dhe në intervistat e tij nuk mund të mungojë pyetja: Si ishte të luaje me Messin?

Përgjigja e kamerunasit nuk është aspak modeste dhe kundërshton pyetjen e bërë. “Unë kam luajtur me të? Jo jo, është krejt ndryshe. Messi luajti me mua, nuk luajta unë me Messin.

Në kohën time, Messi luajti me mua, është tërësisht ndryshe”, tregon Eto’o, i cili për hir të së vërtetës ishte një nga yjet më të mëdhenj në glob dhe atëherë Messi ishte thjesht një talent shumë premtues.