Edi Rama “I miri i botës, i keqi i shtëpisë së vet”

Koment nga– Sebastjan Zonja

Kryeministri ynë e ka bërë rrugë tani importimin e problemeve të botës në Shqipëri. E filloi menjëherë me importimin e armëve kimike. U desh të çohej populli në këmbë që të mos vinin. Pastaj vazhdoi duke importuar konfliktin në Turqi mes gylenistëve dhe erdoganistëve. Se çfarë kusuri kemi ne që të merremi me problemet e brendshme të Turqisë, vetëm Rama e di!
Na solli dhe problemin e politikës së brendshme iraniane, që një Zot e di se çfarë pune kemi ne me Iranin!
Tani presim të na vijnë miqtë sirianë dhe vëllezërit afganë.
Kemi pasur edhe ca ujgurë, por s’e di fatin e të shkretëve.
U bë ca vite që ka marrë edhe këtë idenë e trumpistëve për të bashkuar Shqipërinë me Serbinë.
Kur nisi procesi i Berlinit kishte entuziazëm te shqiptarët dhe serbët. Gjermanët janë të matur, e njohin historinë dhe shqiptarët i simpatizojnë. S’e di për serbët. Një process i këtillë mund të zhbëhej vetëm nga një fuqi shumë e madhe si ajo amerikane. Por cili do të ishte interesi i administratës Trump për të bashkuar Shqipërinë me Serbinë?
Di që kësaj nisme i ka rezistuar Albin Kurti. I ka rezistuar edhe Sali Berisha. Sali Berisha është non-grata. Dha shenjë se idesë së Shoqërisë së Hapur në Ballkan, “Open Balkans”, do t’i rezistojë edhe kryedemokrati Basha. Deri më tani Rama është “i miri i botës dhe i keqi i shtëpisë së vet”.
Vetëm Kurti i ka rezistuar duke qenë në opozitë dhe më pas në pushtet. Politikanët këtej duhet të mësojë se kauzat mbrohen me konsguencë dhe se parimet në politikë janë më të rëndësishëm se biznesi i tenderave me qeverinë.
Kam shpresë se takimi i fundit mes presidentit amerikan dhe kancelares gjermane do të jetë në dobi të zgjidhjes sa më të mirë të problemeve në Ballkan. Ndryshimi i klimës së marrëdhënieve mes Berlinit dhe Washingtonit, ndërsa Trumpi i çoi në pikën më të ulët, është shenjë shprese. Por edhe siç thotë shprehja: Mësuesi të hap derën, duhet të futesh vetë brenda.