Lidhu me ne

Kryesore

Vendimi final – 118 milionë euro Becchettit për një ‘shaka’ të Edi Ramës. Dasma e Veliajt…

Në fund të korrikut është ezauruar edhe seanca e fundit, në një përpjekje të qeverisë shqiptare për të vonuar zbatimin e detyrimit ndaj biznesmenit italian. Vonesat dhe propaganga e qeverisë në fakt e kanë rritur dëmin nga 108 milionë që ishte në fillim, në 118 milionë. Ky borxh do të rritet nëse sërish rilindja shtyn pagesën. E gjitha kjo, një taksë që do ta paguajnë shqiptarët, erdhi si pasojë e një trilli të kryeministrit, i cili kërkoi të mbyllë televizionin Agon Channel, për shkak se nuk i pëlqente linja editoriale

Pas shumë muajve mohim, propagandë dhe vonesa e zvarritje, ajo që ka arritur qeveria shqiptare në përballjen me biznesmenin italian, Becchetti, është zmadhimi i faturës së kripur, duke e çuar nga 108 milionë që ishte në fillim, në 118 milionë euro detyrimin ndaj tij. Kjo për shkak të penaliteteve ekstra që gjykatat e arbitrazhit kanë llogaritur në favor të sipërmarrësit, i cili u dëbua nga vendi dhe ju mbyll televizioni Agon Channel, vetëm për një trill të kryeministrit, pasi nuk i pëlqente linja editoriale.

Janë tashmë të njohura deklaratat bombastike të Edi Ramës, kur thoshte me të madhe në publik, që jo nuk kemi humbur gjyqe në arbitrazhe, por kemi fituar sipas tij. Ai u përbetua se nuk do të merrte asnjë cent Becchetti, ndaj të cilit nuk i ka kursyer as fyerjet.

Të njëjtin qendrim, ka mbatjur edhe ministri Ahmetaj. Eshtë bërë tashmë virale një video, ku ai deklaron me forcë titanike se; Becchetti do të marrë zero lekë. Asnjë qindarkë sipas tij. Po ja që pak ditë më parë, odisea është mbyllur, dhe instanca e fundit, arbitrazhi i Uashingtonit ka vendosur në favor të afaristit italian.

Kjo është e gjitha një histori skandali, dhe shantazhi qeveritar ndaj një sipërmarrësi dhe pronari mediash, në favor të klientëve të rilindjes. Eshtë bërë publike edhe një bisedë e një prej njerëzve më të afërt të Ramës, që është Sekretari i Përgjithshëm i Kryeministrisë, Engjëll Agaçi i cili i kërkonte Becchettit gjatë një takimi, që të rishikonte linjën editoriale të mos ishte kritik me qeverinë.

Besohet se pikërisht kjo bisedë e regjistruar, ka qënë prova e fortë që ka vendosur që në fillim dhe pa asnjë ekuivok që çështjen ta fitonte sipërmarrësi italian. Në fakt, një provë dhe një rrethanë që medoemos do të duhej të merrej në konsideratë edhe nga SPAK, duke qënë se ky rast është një prej dëmev më të mëdha të shkaktuar shtetit në historinë e këtyre 30 viteve.

Vonesat rrisin faturën

Gjykata e Arbitrazhit në Uashington konfirmoi për herë të tretë gjobën rekord ndaj Shqipërisë duke i dhënë të drejtë biznesmenit italian, Francesco Becchetti, edhe në fazën e fundit të procesit gjyqësor. Deri tani, qeveria është justifikuar se gjyqi me Becchettin nuk ka përfunduar ende. Por me vendimin e fundit të gjykatës, dënimi marramendëse është përfundimtar dhe shkon automatikisht për ekzekutim, bën të ditur McnTV.

Gjyqi mes biznesmenit italian Becchetti dhe qeverisë shqiptare në Gjykatën e Arbitrazhit nisi në vitin 2015. Pas 4 vjet procesesh, në prill të vitit 2019, gjykata dha vendimin e parë duke e dënuar Shqipërinë me 108 milionë euro për shpronësim të padrejtë të televizionit Agon Channel. Ky vendim u apelua nga qeveria shqiptare, e cila në gusht po të vitit 2019 kërkoi anulimin e tij. Procesi i apelit zgjati gati dy vjet, dhe në prill të këtij viti gjykata konfirmoi gjobën plus interesat për çdo vonesë në pagimin e saj.

Edhe pse vendimi i dytë ishte i formës së prerë, qeveria shqiptare vendosi të ezaurojë edhe fazën e fundit të procesit, atë që në termin teknik njihet si korrigjim i vendimit, një lëvizje e cila më shumë se përpjekje për të anulluar gjobën ishte taktikë e qeverisë për të shtyrë sa më shumë zyrtarizimin e saj. Faza e korrigjimit nisi në 26 maj të këtij viti dhe pas dy muajsh, në datën 29 korrik gjykata ICSID ka dhënë vendimin përfundimtar duke mos e ndryshuar vendimin, por duke korrigjuar vetëm disa gabime të vogla ortografike.

Me vendimin e formës së prerë, që tashmë ka ezauruar të gjitha fazat e mundshme të arbitrazhit, Shqipëria është e detyruar të paguajë gjobën rekord për llogari të Becchetti dhe ortakëve të tij plus interesat që rriten çdo ditë. Sipas vendimit të gjykatës, deri në fund të tremujorit të parë të këtij viti gjoba që duhet të paguajë Shqipëria ka arritur 118.5 milionë euro, ndërsa nëse Shqipëria vazhdon të mos e paguajë në fund të vitit ajo shkon në 121.4 milionë euro. Në finale, i gjithë zinxhiri i apelimeve të qeverisë pati vetëm një efekt: rritjen e gjobës si pasojë e interesave, pasi sipas vendimit të gjykatës, aplikimi i interesave nis që nga shpallja e vendimit të parë.

Sipas procedurës, vendimi i arbitrazhit duhet të kalojë për njohje në Gjykatën e Apelit në Shqipëri. Por nëse qeveria do ta refuzojë këtë, atëherë Francesco Becchetti mund të kërkojë sekuestrimin e aseteve të shtetit shqiptar jashtë, një proces të cilin e nisi që në dhjetor të vitit të kaluar./MAPO

MË TEPËR

Radar14 orë më herët

Ajri në Tiranë është më shumë helm se oksigjen, duhet të jesh i zhytur në krim që të mos marrësh masa

Nga Ervin Goci Sot, ajri dukshem ne Tirane eshte me shume helm se oksigjen. Sot do duhej qe te mblidheshin...

Kryesore22 orë më herët

Uria në Gaza, një krim lufte

Komisioneri i Lartë i OKB-së për të Drejtat e Njeriut, Volker Türk, thotë në një intervistë për BBC se Izraeli mban përgjegjësi...

Mix22 orë më herët

Eskortat e huaja “pushtojnë” Tiranën, Lekatari denoncon rastin në pallatin e saj

Në një kohë kur në Tiranë po diskutohet shumë lidhur me kthimin e kryeqytetit në një “parajsë” të eskortave të...

Letersi1 ditë më herët

‘Marshi i UÇK’-së, interpretim rrëqethës nga Arif Vladi

“Marshi i UÇK” -së është një ndër këngët më të njohura dhe më të dashura të cilën e ka sjell...

Letersi1 ditë më herët

Poezi për atdheun “Mëmëdhe quhet toka, ku më ka rënë koka…”

Poezi nga Andon Zako Qajupi Mëmëdhe quhetë tokaku më ka rënurë koka,ku kam dashur mëm’e atë,ku më njeh dhe gur’...

Mix1 ditë më herët

Cilësia e lëkurës nis nga ushqimi, kjo është dieta kundër plakjes

Pavarësisht cilësisë së një kremi, ndërhyrjeve apo përparimit të teknologjisë për të përmirësuar pamjen e jashtme, ajo çfarë do të...

Mix1 ditë më herët

Pasuria marramendëse e Selena Gomez, nuk do ta besoni sa fiton për një postim në Instagram

Selena Gomez është një ndër këngëtaret më të pasura të momentit. Me një vlerë neto të raportuar prej 800 milionë...

Kioske1 ditë më herët

Kartolinat e paguara nga Tirana

Nga Andi Bushati Sjellja në shqip e një artikulli të përkthyer të revistës lifestyle italiane Vanity Fair, shkaktoi një polemikë të...

Radar2 ditë më herët

“Noc Rroku” strategjik per qytetaret

Klodian Tomorri Qeveria shpalli sot fazen e dyte te tenderin per ndertimin e ujesjellesit Draleos Drimadhes, i cili do te...

Mix2 ditë më herët

Publikohet traileri i pjesës së katërt të “Bad Boys Ride or Die”

Will Smith dhe Martin Lawrence kthehen në rrënjët e tyre në pamjen e parë për pjesën e katërt të ekskluzivitetit ...

Facebook