Kryesore
Vendimi për Becchettin do t’i kushtojë 45 mijë lekë çdo shqiptari
Deputetja e zgjedhur e Partisë Demokratike, Grida Duma, në një reagim lidhur me faturën prej 109.5 mln euro të shtetit shqiptar nga humbjet në Arbitrazh thotë se qytetarët shqiptarë kanë paguar mjaft dhe është koha që këtë ta bëjë Kryeministri si përgjegjës i kësaj situate.
Në një postim në facebook, ajo ndalet te çështja ‘Becchetti’, duke u shprehur se vendimi për biznesmenin italian do t’i kushtojë 45 mijë lekë çdo shqiptari.
Duma i bën thirrje drejtësisë të veprojë.
“Edi Rama mund të përpiqet t’i fshihet të vërtetës, por nuk e zhbën dot atë. Ai është përgjegjësi i drejtpërdrejtë për dëmin ekonomik prej 110 milionë euro që do të paguajnë familjet shqiptare nga xhepat e tyre. Secili prej nesh, nga një i porsa lindur deri te pensionisitët, do të paguaj 45 mijë lekë të vjetra. Para që mund të shkonin për shkolla, spitale, rrugë, për ndihmë ekonomike për njerëzit në nevojë, për të blerë ushqime, por do të shkojnë për të dëmshpërblyer luftën personale të Ramës me median. Shteti i kapur nga korrupsioni u përdor për këtë luftë personale, prandaj përgjegjësit e kësaj fature prej 110 milionë euro duhet të shkojnë para drejtësisë. Mjaft kanë paguar shqiptarët për dëmet ekonomike të shkaktuara nga jnë pushtet i korruptuar deri ne palcë, është koha të paguajë Edi Rama!”
Shteti shqiptar ka akumuluar një detyrim prej 109.5 milionë eurosh për çështjet e humbura në arbitrazhet ndërkombëtare.
Sipas dokumentave zyrtare të Ministrisë së Financave borxhi përveçse i përket formës përfundimtare edhe është njohur nga shteti shqiptar.
Megjithatë, kjo vlerë i përket periudhës deri në qershor të vitit 2020 pasi ka ende procese të tjera Arbitrazhi që nuk kanë përfunduar apo nuk janë njohur zyrtarisht nga shteti ynë.
Fatura më e lartë ndaj kostos totale të vendimeve ndërkombëtare i përket çështjes “Hydro dhe të tjerë” kundër Shqipërisë, ku përfshihet edhe çështja ‘Becchetti’.
Detyrimet në këtë rast kapin vlerën e 99.6 milionë eurove dëmshpërblim të drejtpërdrejtë ndaj investitorit paditës dhe 311 mijë euro për kostot administrative të procesit.
