Publiku votoi këtë javë banorin e preferuar të shtëpisë së “Big Brother VIP”. Numrin më të lartë të votave e ka marrë Donaldi. Ky mesa duket është “shpërblimi” i publikut për emocionet që aktori i fali gjatë takimit me ish-partneren Bora Zemani.

Donaldi tha se po përjeton emocione të forta, që as i kishte imagjinuar dhe se ndihej i privilegjuar nga ky vlerësim.

Ndërsa si më pak e votuar ishte Sheila, që kalon direkt në nominim. Ajo u shpreh se nuk e priste, pasi kishte dhënë më të mirën këtë javë: “Jam përpjekur të përcjell energji të mirë, megjithatë është vendimi i publikut, e respektoj”.