Reperi i njohur Kanye West ka nisur një romancë me një modele 22-vjeçare të quajtur Vinetria, sipas Page Six.

Burimet thonë që reperi amerikan është në një lidhje me modelen e re por nuk dihet prej sa kohësh janë bashkë. Dyshja bënë daljen e parë publike këtë javë në ndeshjen e basketbollit të Donda Academy.

Këto raportime vijnë vetëm pak ditë pasi reperi deklaroi se dëshironte të rikthehej me Kim Kardashian. Vinetria gjithashtu thuhet se ishte me reperin në Miami gjatë intervistës ku bëri këtë deklaratë për ish-bashkëshorten dhe tha se nuk kishte parë asnjë dokument divorci.

Romanca e tij me Vinetria vjen vetëm disa muaj pasi ai u lidh me supermodelen Irina Shayk, me të cilën u lidh vetëm një muaj pasi Kardashian paraqiti kërkesën për divorc pas shtatë vitesh martesë. Romanca e tyre zgjati deri në gusht, por gjërat nuk ishin serioze mes tyre.

Ndërkohë Kardashian nga ana tjetër thuhet se ka nisur një lidhje me aktorin Pete Davidson.