Dikur ka pasur njerëz që kanë rrezikuar jetën për të na bërë të mundur ne, grave, vendimmarrjen mbi riprodhimin. Jemi me fat që shijojmë frytet e sakrificavetë atyre pionierëve, duke qrnë se në ditët e sotme kemi mundësi pafund për të parandaluar shtatzënitë e padëshiruara. Ka kontraceptivë për të gjitha tipat e grave: harraqe, dembele, të kujdesshme, kontrolluese ose edhe për ato që janë kundër mjekimeve.

Fatkeqësisht, kemi më pak mundësi për t’u mbrojtur nga sëmundjet dhe infeksionet. Mbase nuk të pëlqen shumë ideja, por e vetmja mundësi mbrojtjeje që ke kur fillon një marrëdhënie të re është: prezervativi.

Ndër të gjitha mundësitë, ajo më efikasja dhe që i bën më mirë shëndetit, janë kontraceptivët sistematikë. Në këtë kategori ka disa alternativa, të cilat ndryshojnë me njëra-tjetrën nga përbërja (çfarë hormonesh kanë) dhe nga mënyra e përdorimit (si i marrim).

Kontraceptivët sistematikë mund të përmbajnë estrogjen dhe progesteronë, ose vetëm progesteronë. Këta kontraceptivë mund të gjendën si tableta, si manikotë, si unazë, si DIU ( sispozitiv intrauterin), ose mund të injektohen.

Forma e parë e kontraceptivëve sistematikë dhe ajo më e njohura, falë revolucionit që bëri, është pilula kontraceptive që kontrollon shtatzëninë e padëshiruar.

Në fillimet e saj pilula shkaktonte njëfarë frike. Po nëse vezoret nuk “zgjoheshin” më dhe të shfaqej një sterilitet i përhershëm? Në dhjetëvjeçarin e parë të ekzistencës së pilulës, mjekët u ndërpritnin pilulën pacienteve për një muaj, në mënyrë që t’u tregonin se cikli i tyre funksiononte shumë mirë. Sigurisht, gjatë atij muaji, të gjitha ngelnin shtatzëna. Me sa duket vezoret nuk e kuptojnë ndryshimin midis 3 muajve, 3 apo 30 vjetëve. Kur ndalon përdorimi i pilulës, ato rifillojnë punë.

Efekti më i zakonshëm dhe irritues i pilulës është hemorragjia jonormale midis dy cikleve menstruale, domethënë, të kesh gjakderdhje atëherë kur nuk duhet. Kjo ndodh kur pacientja humbet kontrollin e pilulës.

Nuk bëhet fjalë për një problem mjekësor, por mënyra e vetme për ta zgjidhur pa i ndërprerë kontraceptivët oralë është të provoni një pilulë tjetër ose një mënyrë tjetër aplikimi. Por mund të duhet kohë për të gjetur variantin që ju përshtatet më mirë.

Mpiksjet e gjakut janë një tjetër problem, por vetëm për duhanpirëset. Nëse bëhen bashkë pilula dhe duhani, rezultati është i tmerrshëm.

Përveç këtyre shqetësimeve konkrete pilula shfaq edhe probleme të tjera. Ndër ankesat më të zakonshme janë: ndryshime të dëshirës seksuale, thatësira vaginale, humori i keq dhe enjtja. Çdo trup reagon ndryshe ndaj një situate të caktuar. 90 % e grave nuk kanë asnjë simptomë, ose më saktë, asnjë që ia vlen t’ia përmendim mjekut. 10% ankohen për efekte dytësore./Dr. Carol Livoti