Kush ka më shumë elektorat gri Berisha apo Basha ?

https://www.podiumi.com/ media online prej vitit 2016

Koment Nga Bilbil Beqiri

Gazetarët që duan të mbrojnë Bashën në betejën e tij politike, herë pas here artikulojnë idenë se Basha është më i dobishëm për PD-në, sepse ka elektorat gri, ndërsa Berisha është ai që nuk paska elektorat gri.

Të dyja këto mendime jane të pasakta, sepse Basha tashmë është ” shalqin ” me provë, dhe nuk i ka mbetur gjë pa demostruar.

Teza e elektoratit gri të Bashës, ngjan më tezën e hedhur në qarkullim para zgjedhjeve, atë të njeriut normal, të liderit normal.

Ajo çfarë dimë me siguri për Berishën është se ka me vete bazën e PD, d.m.th shumicën në PD. Po ashtu dimë me siguri se Basha nuk e ka bazën e PD. Këto i kupton i madh dhe i vogël.

Në këtë situatë, i gjendur i pashpresë, Basha hedh në treg tezën e elektoratit gri. Basha i cili nuk arrin të marrë mbështetjen e votuesve besnikë, qenka i zoti të marrë atë të elektoratit gri, praktikisht të elektoratit më nazeli, më të vështirë.

Ndërsa unë mendoj se Basha jo vetëm që nuk ka elektorat gri, por për shkak të tij, në Shqipëri është shtuar elektorati gri këto 8 vite e kusur. Eshtë shtuar numri i njerëzve të pakënaqur me qeverisjen, por që nuk ka gjetur arsye për ta çuar votën tek Basha.

Teza e mbështetësve gri për Bashën është paracetamol që nuk ia largon dhimbjen e kokës këtij të fundit.

Ndërsa për Berishën dimë me siguri mbështetjen që ka nga ” fanatikët ” në PD, por nuk mund të themi që nuk tërheq elektorat gri, sepse duhet parë.

Mbështetja që i dha rinia tregon që Berisha ka me vete edhe elektoratin gri.

Me fjalë të thjeshta, Basha nuk ka më asgjë, dhe e konsideroj gabim të bëhen krahasime mes tij dhe Berishës.