Amvisat, shpeshherë, janë të shqetësuara se çfarë mund të gatuajnë për të kënaqur pjesëtarët e familjes me ushqime të shijshme. Ato duhet të punojnë në mënyrë të tillë që ata të marrin të gjitha vlerat ushqimore për të zëvendësuar energjitë e humbura.

Për këtë është mirë të mendohet më parë dhe të bëhet një listë javore duke i ndryshuar gjellët çdo ditë, në mënyrë që ato të konsumohen më me shije.

Bazë për gatimin e gjellëve është lënda e parë, e cila sipas listës duhet të jetë e siguruar për gjithë javën.

Patatet e qepët mund të blihen për gjithë javën, ndërsa perimet e tjera 2 herë në javë duke i blerë me shumicë. Perimet duhet të ruhen në vende të freskëta dhe të zgjidhen çdo ditë. Ja një menu orientuese për drekë gjatë një jave:

E hënë

1. Patëllxhanë imam bajalldi me qepë dhe hudhra
2. Sallatë
3. Komposto

E martë

1. Tarator ose sallatë
2. Speca të mbushur
3. Fruta

E mërkurë

1. Mish turli me perime
2. Sallatë
3. Paluze me pjeshkë ose kumbulla

E enjte

1. Supë me perime
2. Byrek me qepë e domate
3. Fruta

E premte

1. Qepë me vezë në formë kime
2. Tarator
3. Krem vanilje ose fruta

E shtunë

1. Bamje jahni
2. Sallatë
3. Fruta

E diel

1. Mish frikase ose me perime
2. Byrek me kungull
3. Kek