“Do t’i shkojmë deri në fund kësaj afere”/ Tabaku zotohet për inceneratorët

…90 mijë euro në ditë vetëm inceneratori Tiranës.

Deputetja Jorida Tabaku, e cila drejtoi dhe komisionin hetimor për inceneratorët, është zotuar se do t’i shkojë deri në fund kësaj afere.

Në një postim të fundit në rrjetet sociale, deputetja e Lulzim Bashës shkruan se përfituesit e grupit të strukturuar kriminal vazhdojnë t’u vjedhin qytetarëve 90 mijë euro në ditë vetëm nga inceneratori Tiranës.

“Çdo ditë shqiptarëve u vidhen miliona euro nga skema e inceneratorëve.

Janë 430 mln euro të hedhura nga xhepat e shqiptarëve në xhepat e përfituesve të vërtetë të këtyre koncesioneve; të grupit të strukturuar kriminal që vazhdon t’u vjedhë qytetarëve 90 mijë euro në ditë vetëm nga inceneratori Tiranës.

Do t’i shkojmë deri në fund kësaj afere, ndërsa qytetarëve do t’u tregojmë se si abuzohet me taksat e tyre që rriten sa herë qeveria ka në mendje një koncesion!”