Kioske
Cili është mësimi që i dha Hungaria të gjithë botës.
Nga Bob Kore
Hungaria është një vend i vogël, por ata i dhanë një leksion shumë të madh të gjithë botës.
Këtë radhë, për të katërtën herë.
Leksioni shprehet vetem në pak fjale që Orban tha pas fitores.
“Ne mbrojtëm pavarësinë dhe lirinë e Hungarisë, paqen dhe sigurinë e saj dhe mbrojtëm fëmijët dhe familjet tona”.
Megjithëse ajo që bën Orban për Hungarinë është fare normale, nuk është aspak e lehte ta arrish atë që ai arriti.
Nuk është e lehtë sepse, të besh veprime normale në një botë kaq të çorientuar, të sulmojnë shoqatat ndërkombëtare e qelbësirave nga të gjitha anet, duke të vënë epitete si p.sh diktator, apo ajo broçkulla tjetër, tashmë e dalë boje, si i lidhur me Putinin, etj, etj.
Nga fitorja e Orban disa herë rresht, duhet të nxjerrim një mësim: Po të mbrosh interesat e vendit tënd, pra po të kesh parimin e tij, Hungary first, atëherë populli të voton, pavarësisht propagandës që bëhet brenda dhe jashtë.
Çfarë do të thotë në praktike fitorja e Orban?
Do të thotë që të eleminosh Soros dhe efektet shkatërruese të ideologjisë së tij, që kanë të bëjne me:
1-fshirjen e historisë, pra humbja e memories së një populli
2-heqja e meritokracisë, pra vendosja në drejtim e njerëzve jo sipas meritës, por sipas politikave identitare.
3-shkatërrimi i familjes, pra shkatërrimi i qelizës bazë të një shoqërie
4-indoktrinimi i arsimit, pra shkatërrimi i së ardhmes së një vendi.
Duke eleminuar efektin Soros, Orban nuk është kurrsesi diktator, siç mundohen ta paraqesin.
Orban është një patriot.