Nënë Liza, protestuesja më e moshuar që kërkon dëmshpërblim për shtëpinë që ia kanë shembur tek lagja 5 Maji, doli sërish sot në një protestë përpara bashkisë së Tiranës dhe ka ngulur këmbë që qeveria ta dëmshpërblejë për shtëpinë që i shkatërroi.

Ajo tregoi para mediave edhe rastin kur nuk e lejuan të fliste përpara Kryeministrisë, njerëz të paguar nga bashkia e Tiranës. “Unë kërkova të flisja, e mora vesh se kush ishte, – tha znj. Liza për incidentin që u pa live. – Ajo ishte punonjëse e bashkisë. Po unë kam dalë për të drejtën time, për hallin tim. Dua që kryetari i bashkisë së marrë masa dhe të na strehojë.

Njëherë erdhi tërmeti, njëherë korona. Por ne tërmet kemi shtetin tonë!!! S’ka bërë vaki që shteti të bëjë kështu me popullin e vet!

Pse të rrimë rrugëve ne?! Mua m’u shkatërrua shtëpia, gjithçka. Kam marrë një dhomë me qira, e paguaj 150 mijë lekë.

Nuk dua të firmos asgjë. Shteti duhet të japë lekët. Shteti ka për të bërë ndërtime dhe prish shtëpi, por nuk rrit pensionet!

S’kam ku të jetoj, të jetoj në rrugë të madhe?! Futën në burg djalin tim,një nënë me 2 fëmijë të vegjël…

Po shtëpia, gruaja, arma, nuk lëshohen kurrë. Ajo gruaja s’ka punë me mua, të zotërojë shtëpinë e vet. Unë s’dua shtëpi sociale.

Jam me të drejtën e Zotit,” theksoi në përfundim e moshuara.