Antitrupat e zhvilluar nga trupi i njeriut pas infeksionit Covid janë akoma të pranishëm në nivele të qëndrueshme edhe 11 muaj pas infeksionit.

Lajmi i mirë vjen nga një hulumtim i kryer nga laboratori i virologjisë i Institutit Kombëtar të Sëmundjeve Infektive “Lazzaro Spallanzani” në Romë, botuar së fundmi në revistën Viruses.

Studiuesit analizuan, midis shkurtit të 2020-ës dhe janarit të vitit 2021, 763 mostra nga 662 pacientë Covid-19, të marra gjatë shtrimit në spital në Spallanzani ose pas kalimit të infeksionit dhe zbuluan se nivelet e antitrupave janë më të larta tek njerëzit mbi moshën 60-vjeçare dhe edhe më të larta ishin te personat që kishin përjetuar simptoma të rënda të frymëmarrjes.