Kioske
Nuk na dalin llogaritë!
Nuk na dalin llogaritë! Nga Iva Grillo
Para një viti bënë çmos që zgjedhjet t’i fitonte Rilindja…madje u siguruan qe kanakarit të tyre t’i vihej “kurora” ne kokë në një ceremoni të bukur me avione e luftanije, të cilën ashtu si rastësisht e kishin planifikuar menjëherë pas zgjedhjeve… për të cilat mesa duket ishin të bindur se do shkonin “fjollë”.
Më pas, vendosën tia japin opozitës në lule të ballit, të zhburrërojnë politikisht një pjesë të deputetëve të saj, të ushqejnë elektoratin opozitar me bar dhe të urdhërojnë si e qysh duhet bërë opozitë…
Në fund, na premtuan edhe një “party” të hareshme… por vetëm pasi “të mbaronin do punë” me qeverinë…
Sot po na thonë që vendi në të cilin kanë trazuar çorbën prej vitesh, si kurrë më parë… na qenka i krimbur në korrupsion, në cdo nivel…
E kush pa?
Vendi ynë?
Ai që ka prodhuar një nga 10 kampionet e antikorrupsionit në botë… dora vetë Zotin Dvorani?!
Nuk na dalin llogaritë!
