Lidhu me ne

Aktualitet

“Më 30 prill partia erdhi më e bashkuar se asnjëherë”, Berisha: 40 mijë anëtarë aktivë janë një ushtri madhështore

Berisha (2)

Ish-kryeministri Sali Berisha deklaroi në një bashkëbisedim me gazetarët se Partia Demokratike erdhi më 30 prill më e bashkuar se asnjëherë. Duke folur për Kuvendin Kombëtar të PD, Berisha tha se gjatë procesit të zgjedhjes së kryetarëve të degëve, kanë votuar rreth 41 mijë anëtarë. Sipas tij, ky është bashkimi më i madh rreth votës së lirë.

Ai theksoi se 40 mijë anëtarë aktivë janë një ushtri madhështore, e fuqishme, e pathyeshme, e pamposhtur dhe këto janë të gjitha të dokumentuara.

“Imagjinoni për një moment partinë karshi e cila në aspekt me votën ngjason me një strukturë të shpellave mafioze, ku nuk ekziston votë.

Përgjegjësi madhore e këtij procesi, dimension madhor i tij ishte bashkimi, zotimi ynë për një parti më të bashkuar, më të fortë dhe më të hapur. PD si e tillë nuk ka qenë ndonjëherë, nuk ka ardhur ndonjëherë në ndonjë Kuvend më e bashkuar se më 30 prill. Mos harroni vetëm në një moment, gjatë procesit të zgjedhjes së kryetarëve të degës, kanë votuar në qoftë se shtojmë dhe dy degët ku nuk është kryer procesi 41 mijë anëtarë. Kurrë në histori, në zgjedhje të tilla nuk ka pasur një pjesëmarrje të tillë. Për ata që e dinë se çfarë është bashkimi, ky është bashkimi më i madh rreth votës së lirë. 40 mijë anëtarë aktivë janë një ushtri madhështore, e fuqishme, e pathyeshme, e pamposhtur dhe këto janë të gjitha të dokumentuara.

Partia erdhi më 30 prill më e bashkuar se asnjëherë. Me qindra dhe mijëra anëtarë, por edhe drejtues të saj që para 6 marsit nuk ishin në një pozicion me shumicën u bashkuan në këtë proces. Në disa degë ish-kryetarët u rikonfirmuan kryetarë.


Ka akoma disa grupe të vogla, por shumë të vogla të cilët jam i bindur dora-dorës do bashkohen. Pra thirrja e bashkimit rreth votës së lirë funksionoi. Nuk ka bashkim më të ndershëm, më demokratik se sa ky. Funksionoi përkundër një miliardë sulmesh, shpifjes të trilluara kundër PD-së. Funksionoi jashtë të gjitha parashikimeve”, tha Berisha.

Ai pranoi se në Kuvend mungonin një numër i caktuar deputetësh të PD-së, por shprehu besimin se në tërësi deputetët e PD-së do t’i bashkohen shumicës. “Përsëri vendi i tyre është në PD dhe ata janë deputetë të kësaj partie. Natyrisht nuk mundej kurrë, nuk mundet kurrë që një deputet, dy deputetë, por edhe askush të mund të mbajë peng me platforma të marra në zyrat e qeverisë një forcë politike opozitare.

Deputetët, për ata të cilët duan të analizojnë në mënyrë objektive në parlament dhe në shumicë janë përfaqësues të shumicës dhe popullit opozitar që i ka votuar. Në këtë kontekst vendi i tyre është me shumicën, me shumicën dhe vetëm me shumicën. Sot për çdo njeri, për çdo demokrat, por edhe për çdo kundërshtar, shumica, 6 marsi, ka meritën e përcaktimit të shumicës.

Jo në një sondazh, por dal vivo në shoqërinë shqiptare.

Unë kam besim se në tërësi deputetët e PD-së do t’i bashkohen shumicës. Nuk mund të them se çdonjëri prej tyre, por në tërësi shpreh bindjen më të madhe se pas Kuvendit dhe shumica dërrmuese e tyre do t’i bashkohen PD-së. Pra, në këtë aspekt Kuvendi ishte Kuvendi i bashkimit të PD-së

Pse nuk u shty Kuvendi?

Nuk pranonte shumica, edhe pakica madje, ajo votoi. Në një hark të shkurtër kohor shoqëria shqiptare pa dy Kuvende. Ndoqi Kuvendin e partisë qeverisëse. Po ta krahasoni me Kuvendin e 30 prillit ngjiste si një Kuvend i Koza Nostrës me drogën si kurorë e narko-shtetit. T’ia kishte shkruar presidenti i kosa Nostrës atë fjalim nuk do ia shkruante ndryshe. Çështja e dytë madhore e Kongresit të tyre ishin hanxharë, shpalli SPAK-un si hanxhar të partisë. Ju jeni të rinj, por ju garantoj se një trajtim të tillë të prokurorisë nuk ia bënte as edhe Enver Hoxha. Kurse në Kuvendin e demokratëve ju patët rastin të dëgjohet të flitet për lirinë, votën e lirë. Si forcë politike konservatore jemi forcë e interesit kombëtar. Denoncuam nismën e Beogradit Ballkani i Hapur që vendoste influencën ruse në Ballkan. U shprehëm se jemi vetëm për Procesin e Berlinit. Kuvendi vendosi që rikthimi i votës për Diasporën dhe emigracionin është kusht për zgjedhjet në Shqipëri. Shqipëria është vend i vetëm në Europë që nuk lejon emigrantët që të votojnë.”, tha Berisha.

Me teper

Kryesore10 orë më herët

Berisha nga Shkodra: Nëse duam të fitojmë zgjedhjet, përparësi do kenë të rinjtë dhe gratë

Ish-kryeministri Sali Berisha ka deklaruar se përsa kohë do të jetë në politikë, do të zhvillojë “Foltore”, si e vetmja...

Aktualitet11 orë më herët

Veliaj ” masakron” tironsit/ Gjobiten 1 mijë qytetarë brenda ditës në Tiranë

Në tre mujorin e parë të këtij viti, Policia Bashkiake në Tiranë ka gjobitur në total 92000 automjete. Këto shifra...

Radar11 orë më herët

Agron Kapllanaj i pallateve të 5 Majit: Falanderoj SHBA që na dha mundësinë të njihnim Berishën

Agron Kapllanaj, i cili u komandua nga Lulzim Basha si kreu i degës së PD në Fier, dhe që u...

Radar11 orë më herët

Berisha fushatë në Shkodër: Diamant i fitores së 6 marsit, nuk u pajtua me një Shqipëri pa opozitë

Pas Lezhës, ish-kryeministri Sali Berisha u ndal në Shkodër për të zhvilluar fushatën për kryetar të Partisë Demokratike në procesin...

Stil13 orë më herët

Kuriozitete / 10 purot më të mira në botë

Cigar Aficionado ka renditur 25 purot më të mira të vitit 2020. Pasi i shijuan pa ua ditur markën, rreth...

Stil13 orë më herët

Sa orë gjumë duhet të flemë? Pse gjithçka varet nga mosha

A e gjeni ndonjëherë veten duke dremitur në tryezën tuaj të punës, edhe pas asaj që mendonim se ishte një...

Gatime13 orë më herët

Si të bëjmë bukë shtëpie ? Receta e bukës nga e cila mund të hani sa të doni

Dhe aspak nuk na çudit që kjo bukë nuk përmban fare drithëra.Steven Gundry, nga Nebraska, autor i librit “Paradoksi i...

Stil13 orë më herët

Si ta kuptoni që keni të bëni me një sociopat? 5 shenjat që nuk duhet t’i injoroni kurrë

Nëse keni takuar një sociopat në jetën tuaj, si në të tashmen, apo edhe të kaluarën, ka shumë gjasa që...

Gatime13 orë më herët

Çfarë të gatuaj sot? Ju tregojmë recetën e japrakëve, recetë e veçantë dhe tradicionale…

Japrakët ose dollmat me gjethe rrushi është një nga recetat me të veçanta të kuzhinës ballkanase. Shija e saj karakteristike...

Kryesore14 orë më herët

Berisha nga Lezha: Censura, kërcënimet dhe propaganda nuk e ndalon dot opozitën e vërtetë

Ish-kryeministri Sali Berisha vijon me fushatën zgjedhore në javën e zgjedhjeve për kreun e ri të PD që do të...

Facebook