Lidhu me ne

Radar

Agron Shehaj denoncon: Rama i dha një pjesë të Butrintit kushëririt të Gjiknurit, 800 ha tokë për resort

Shehaj denoncon: Rama i dha një pjesë të Butrintit

Anëtari i Komisionit të Rithemelimit, Agron Shehaj, ka denoncuar dhënien e statusit investitor strategjik të një tjetër familjari nga radhët e socialistëve të Ramës.

Në një postim në Facebook, Shehaj denoncon se një pjesë e parkut të Butrintit i është dhënë familjarëve të Sekretarit të Përgjithshëm të PS, Damian Gjiknuri. Sipas Shehajt dhe dokumenteve që ka publikuar, rezulton se 50% e kompanisë që merr statusin e investitorit strategjik i përket djalit të xhaxhait të Gjiknurit.

“Resorti “Manastir Resort” do të ndërtohet pranë parkut arkeologjik të Butrinit. Pak kohë më parë qeveria e zvogëloi parkun duke nxjerrë 800 hektarë nga zona e mbrojtur, pikërisht që aty të ndërtonte resorti kushëriri i Damian Gjiknurit”, shkruan Shehaj.

Ky nuk është rasti i vetëm, pasi disa muaj më parë qeveria i dha statusin e investitorit strategjik edhe bashkëshortit të ministres Olta Xhaçka.

Postimi i plotë:

Pas resortit me 5 yje të Xhaçkës, Rama i jep një pjesë të parkut të Butrintit familjarve të ish-ministrit Gjiknuri, aktualisht numri 2 i partisë socialiste.

Qeveria vazhdon favoret korruptive për ministrat, ish ministrat dhe të afërmit e tyre. Vendimi më i fundit i Komitetit të Investimeve Strategjike, që kryesohet nga Edi Rama është dhënia e statusit të investitorit strategjik për “Manastir Resort”.

50% e Kompanisë që përfitoi statusin e investitorit strategjik zotërohet kompania ANDI. Kompania Andi zotërohet nga djali i xhaxhait të ish ministrit të infrastrukturës Damian Gjiknuri, sot sekretar i përgjithshëm i Partisë Socialiste.

Pra gjysma e resortit që përfitoi nga qeveria statusin e investitorit strategjik dhe lehtësirat që të ofron ky status zotërohet nga njerëzit e afërt të Damian Gjiknurit. Por nuk është vetëm ky problemi.

Resorti “Manastir Resort” do të ndërtohet pranë parkut arkeologjik të Butrinit. Pak kohë më parë qeveria e zvogëloi parkun duke nxjerrë 800 hektarë nga zona e mbrojtur, pikërisht që aty të ndërtonte resorti kushëriri i Damian Gjiknurit.

Kjo qeveria është kampione e korrupsionit, ndërsa ligji i investimeve strategjike është instrumenti korruptiv përmes të cilit ajo po grabit tokat e bregdetit. I bëj thirrje SPAK të nisë urgjentisht hetimet për këtë aferë të neveritshme në mënyrë që shqiptarët të mos grabiten nga qeveria dhe zyrtarët e Partisë Socialiste.

MË TEPËR

Radar9 orë më herët

Berisha: Na duhet një lëvizje e madhe për të shpëtuar Shqipërinë

Berisha: Na duhet një lëvizje e madhe për të shpëtuar Shqipërinë Kreu demokrat, Sali Berisha, gjatë një takimi me anëtarët...

Radar9 orë më herët

Inceneratorët/ Gazetari: Prokuroria nuk ndihet, janë marrë miliona me fatura fiktive

Gazetari Klodian Tomorri Gazetari Klodian Tomorri ka ngritur disa pyetje në lidhje me skandalin e dy të moshuar të cilët...

Radar9 orë më herët

Si më mashtruan dy personat misteriozë të inceneratorëve (INTERVISTA E PLOTË)

E moshuara Haxhire Gurakuqi, me “biznes 30 milionë dollarë” në Lezhë ka treguar si ka rënë pre e mashtrimit. Në...

Radar9 orë më herët

Inceneratorët/ Berisha: Mafia Rama-Veliaj krijuan 24 ndërmarrje për të vjedhur buxhetin

Kryetari i Partisë Demokratike, Sali Berisha deklaroi gjatë takimit me FRPD se mafia Rama-Veliaj kanë krijuar 24 ndërmarrje në funksion...

Kioske14 orë më herët

Njeriu i Ri – Nga Edison Ypi

Njeriu i Ri Për të ngrënë i bën Mami. Mendjen ia rrit Babi. Punën ia gjen Miku. Rrogën ia jep...

Stil14 orë më herët

Si të ulni tensionin e lartë me dy metoda natyrale

Tensioni i lartë i gjakut është një problem shumë i përhapur shëndetësor. Nëse nuk trajtohet siç duhet, hipertensioni mund të...

Stil16 orë më herët

Adele flet për rënien nga pesha: Më ndihmoi me ankthin

Adele ka folur së fundmi për humbjen e saj dramatike të peshës dhe sesi ka ndikuar në problemet e saj...

Stil16 orë më herët

Apple Watch 8, ora e re mund të masë temperaturën

Seria e ardhshme orëve Apple Watch 8, që do të dalë në shtator, do të ketë gjithashtu një sensor që...

Stil18 orë më herët

Pse e kam barkun shumë të fryrë edhe pas lindjes?

Çfarë është diastaza recti? Diastasis recti është ndarja e pjesshme ose e plotë e rectus abdominis, ose muskujt “six pack”...

Stil18 orë më herët

4 arsye pse duhet të hani një lugë mjaltë përpara gjumit

Vlerat e mjaltit për shëndetin janë të provuara shkencërisht dhe jo më kot ai njihet si ‘ari i lëngshëm.’ Prej...

Facebook