Lidhu me ne

Radar

Ky vend dreqi ku po rrisim fëmijët

Ishte vetëm 7 vjeç dhe humbi jetën… Nga të paktat herë kur në dreq zanati që kam të dridhen duart të shkruash një lajm. Më shkon në mendje që dhe vajza ime ka të njëjtën moshë. Në trup të shkojnë mornica. Mund të ishte vajza ime. Mund të ishte vajza jote. E të gjithëve ne që kemi vendosur të rrisim fëmijët në këtë m.. vendi.

Nuk ishte një aksident. Ishte një ngjarje e paralajmëruar. 2 herë të tjera vetëm në 2 muajt e fundit. Por askush nuk u mor seriozisht prej atyre që kanë detyrimin dhe paguhen për ta bërë një gjë të tillë. Ata u kujdesën vetëm të shpërndanin lajme se po punonin.

Ministri mbledh drejtorët. Drejtori mbledh drejtorët e tjerë. Urdhra. Fjalë të bukura. Angazhime. Një lajm në TV. Një tjetër drejtor që del para kamerave. Me pamje nga deti. Shifra. Në fakt në terren gjithçka vijon si më parë.

Skafe dhe gomone që fluturojnë mbi kokat e pushuesve. Një garë e çmendur e pak njerëzve kush të bëjë akrobacinë më të paparë në ujë. Kujt dreqin i duhet ky lloj sporti?

Por edhe nëse dikush paska të drejtën e kësaj kënaqësie, si ka mundësi që çdo vit ndodh e njëjta gjë dhe askush nuk nxjerr mësime? Askush nuk mban përgjegjësi. Sepse këtu askush nuk dënohet. Kush ka lekë, miq dhe lidhje me pushtetin ia hedh pa lagur.

Sepse asaj krijese të pafajshme me sytë e detit nuk ia mori jetën një ngjarje aksidentale, por arroganca. Është pikërisht arroganca e njerëzve të veshur me pushtet dhe para të cilët të qeshin në fytyrë nëse u përmend ligjin. Rregullat janë vetëm për të varfrit. Vetëm ata shkojnë në burg.

Dreq vendi ku po rrisim fëmijët.

Ta marrin nga duart kur shkon me pushime. Të përplasin kur kalon vijat e bardha. Nuk të japin mjekim kur shkon në spital nëse nuk “kollitesh” më parë. U ble barna kur sëmuren që një zot e di nga kanë ardhur dhe çfarë efektesh kanë. Dridhesh të mendosh që frutat dhe perimet që u vë çdo ditë në tavolinë janë të dendura me pesticide dhe hormone. Nuk mund ta imagjinosh se në ëmbëlsirën dhe akulloren që ai të është lutur t’ia marrësh ka vaj palme.

E dërgon në shkollë dhe përpara të del një mësues i ardhur nga shkolla e patronazhistëve të partisë. Se tashmë është turp që në 7 mars t’i bësh lule si dhuratë nëse nuk ka dhe një çantë apo zarf. Të dridhen këllqet kur dëgjon se në shkolla punojnë si mësues dhe roje ngacmues seksualë. Çmendesh të mendosh që djali yt ka lënë mësimin për të provuar një cigare hashash që e gjen kollaj në cepat e shkollave. Apo kur testi i maturës del më përpara në Facebook sesa u shpërndahet në klasa.

Por edhe nëse e mbaron një shkollë dhe merr një diplomë, për të futur fëmijën tënd në punë do shkosh sërish kokulur te patronazhsti i partisë. Ta shohësh në ditë të syrit me përulësi. Një tjetër zarf duhet ta kesh bërë gati gjithsesi.

Dreq vendi ku po rrisim fëmijët.

Është dita kur mendon se ke bërë gabimin më të madh në jetë që nuk ike edhe ti nga sytë këmbët jashtë vendit si komshiu yt. Kur mallkon vetën që nuk e provove një herë lotarinë amerikane. Dita kur thua pse nuk ia mbathe në Itali apo Gjermani ku edhe pse mund të laje pjata do ishe më i sigurt.

Ky nuk është më vend për të rritur fëmijët.

Jo sepse është i varfër. Jo se është i prapambetur. Jo sepse ligjet nuk janë të plota.

Ky vend ka vrarë shpresën.

©Facebook – Altin Janaqi

MË TEPËR

Mix9 minuta më herët

Do të dukesh me vetëbesim? Bëj këto veprime

PHOTO CREDITS: UNCHAINYOURBRAIN Vetëbesimi është një karakteristikë që me praktikën e duhur, kthehet në një armë shumë të fortë. Janë...

Mix11 minuta më herët

Si ta bësh *fantastik* seksin gjatë pushimeve?

Si ta bësh *fantastik* seksin gjatë pushimeve? Nëse je me pushime me partnerin/en, të duhen me patjetër këto këshilla: 1....

Mix33 minuta më herët

Si të bëhem milioner ? Si të bëhesh milioner përpara se të jesh 30 vjeç

Nga GRANT CARDONEEkspert ndërkombëtar i shitjeve Si të bëhesh milioner është një temë tabu. Të thuash që mund të bëhesh...

Aktualitet58 minuta më herët

Dhe me dy vrasjet në Vlorë ju uroj një ditë të qetë e të bukur!!!

Koment nga Respublica.al Dhe me dy vrasjet në Vlorë ju uroj një ditë të qetë e të bukur!!! Është në...

Radar1 orë më herët

Video / Sanna Marin e Finlandës, party dhe alkol në një festë private! Shpërthejnë kritikat ndaj saj

Shumë persona e kanë quajtur “cool” për thjeshtësinë e saj, kryeministren e Finlandës, Sanna Marin, duket se i ka ardhur...

Mix1 orë më herët

Tre shenjat e Horoskopit që bëjnë më shumë para

Tre shenjat e Horoskopit që bëjnë më shumë para Disa shenja të Horoskopit konsiderohen më me fat kur bëhet fjalë...

Mix2 orë më herët

10 ushqimet më të pasura me ujë që na hidratojnë në stinën e verës

10 ushqimet më të pasura me ujë që na hidratojnë në stinën e verës Në mot të nxehtë, është e...

Mix2 orë më herët

Khaby Lame merr zyrtarisht nënshtetësinë italiane

TikTokeri më i ndjekur në botë merr nënshtetësinë Khaby Lame merr zyrtarisht nënshtetësinë italiane . “Betohem se do të jem...

Kryesore2 orë më herët

Berisha: “Ballkani i Hapur” do të shënojë masivisht falimentimin e fermave tona

Kryetari i Partisë Demokratike, Sali Berisha, zhvilloi një bashkëbisedim me fermerët lidhur me subvencionet, mungesën e tregut dhe largimin e...

Mix2 orë më herët

Më mirë përnjëherë apo gradualisht, cila është mënyra më e mirë për të lënë duhanin?

Personat që heqin dorë nga duhanpirja do ta largojnë përgjithmonë me më shumë sukses këtë shprehi të keqe, se sa...

Facebook