30 mln $ evazion fiskal, Kryemadhi publikon dosjet e çuara në SPAK për inceneratorët

Ish-kryetarja e LSI Monika Kryemadhi ka publikuar në rrjetet sociale dosjet që partia e saj ka dërguar në SPK për të denoncuar aferën e inceneratorëve.

përmes një postimi në faqen e vet në Facebook Kryemadhi shprehet se në dosjet faktohet me të dhëna nga dokumente zyrtare, se vetëm evazioni fiskal i skemës së inceneratorëve kap vlerën 30 milionë dollarëve.

“Këto në foto janë dosjet e dërguara në SPAK përpara disa javësh, ku faktohet me të dhëna nga dokumente zyrtare, se vetëm evazioni fiskal i skemës së inceneratorëve kap vlerën 30 milionë dollarë, ndërsa me skema të ngjashme si inceneratorët, llogaritet një evazion fiskal 189 milionë dollarë”, shkruan Kryemadhi.

Dikur LSI dhe sot Partia e Lirisë në mënyrë të vazhdueshme kanë paraqitur dokumente që sipas tyre dëshmojnë aferën e madhe korruptive me inceneratorët.