Lidhu me ne

Radar

IKMT zbarkon në resortin e Irfan Hysenbelliut, fillimisht i prishin pishinat

IKMT zbarkon në resortin e Irfan Hysenbelliut, i prishin pishinatFoto ilustrim: Irfan Hysenbelliut

IKMT po kryen një aksion në resortin “Prestige” në Durrës, në pronësi të Irfan Hysenbelliut, ku po prishen dy pishina të këtij resorti, me argumentin se janë pa leje. 

Hysenbelliu pretendon se ky është sulm politik, por Ministria e Brendshme sqaron se ndërtimi është i paligjshëm. 

“Ndërhyrja e sotme për rikthimin e rreth 4 mijë metrave katrorë rërë e det të kthyera në beton, përpara një resorti ku një pjesë e zhvillimeve edhe në brendësi të zonës së pishave janë ndërtime të paligjshme për qëllime fitimi, është trajtuar nga mediat e zotit Irfan Hysenbelliu si sulm ndaj linjës editoriale të tyre”, thuhet në reagimin e Ministrisë së Brendshme. 

Hysenbelliu, pronar i disa mediave përfshirë edhe televizionin News24, ka patur përplasje të forta së fundmi me drejtorin e doganave. 

Kulmi i përplasjeve arriti kur Genti Gazheli, e akuzonte Hysenbelliun për shantazh me anë të mediave të tij, për shkak se kishte marrë një gjobë të majme nga doganat dhe nuk e paguante. 

Në debatin publik ndërhyri edhe kryeministri Rama, që ngrite pikëpyetje për këto sulme të mediave të Hysenbelliut. 

Pyetja ime është: Si luftohet me shpifjen apo qoftë edhe me akuzat legjitime në këtë vend,kur jo vetëm media që shpif apo akuzon, po edhe mediat e tjera s’ia japin të drejtën e fjalës personit publik të akuzuar,nëse ky i fundit flet hapur për një shantazh nga një pronar mediash?!“, shkruante Rama në rrjetet sociale. 

News24 i ka konsideruar si sulm politik ndërhyrjet e IKM ditën e sotme, ndërkohë që si argument kanë botuar disa foto të Taulant Ballës dhe Edi Ramës në ambientet e këtij hoteli, pra përpara përplasjeve, kur marrëdhëniet i kishin të mira. Drejtuesit e hotelit pretendojnë se pishinat janë me leje. 

Reagimi i Ministrisë së Brendshme: 

Sot strukturat e Inspektoriatit Kombëtar të Mbrojtjes së Territorit kanë rifilluar operacionin “Bregdeti Ynë”, i cili është ndërprerë gjatë muajve qershor, korrik dhe gusht, për të rinisur në shtator.

Ky operacion ka synuar rivendosjen e ligjshmërisë në bregdet dhe deri tani ka prishur 434 objekte të paligjshme në vijën bregdetare.

Ndërhyrja e sotme për rikthimin e rreth 4 mijë metrave katrorë rërë e det të kthyera në beton, përpara një resorti ku një pjesë e zhvillimeve edhe në brendësi të zonës së pishave janë ndërtime të paligjshme për qëllime fitimi, është trajtuar nga mediat e zotit Irfan Hysenbelliu si sulm ndaj linjës editoriale të tyre.

Nuk është hera e parë që mediat News24, BalkanWeb dhe Panorama synojnë të mbulojnë problemet e pronarit të tyre me ligjin, duke marrë rolin e viktimës së lirisë së shtypit.

Edhe më keq se kaq, këto media e kanë bërë mesa duket rrugë përdorimin e shantazhit, shpifjes dhe denigrimit ndaj autoriteteve shtetërore, sa herë zoti Irfan Hysenbelliu ka rënë në rrjetën e kontrolleve ligjore.

Pre e kësaj mënyre të ulët të keqpërdorimit të mediave si imunitet ndaj ligjit të pronarit, kanë rënë kohët e fundit drejtori i tatimeve dhe më pas drejtori i doganave.

Ata u kthyen në shënjestra fushatash denigruese të News24, BalkanWeb dhe Panorama, sepse agjencitë e të ardhurave të shtetit konstatuan një evazion fiskal me përmasa shqetësuese në biznese të lidhura me zotin Irfan Hysenbelliu.

Sot këto media e kanë nisur ditën me shantazhe, shpifje dhe me denigrimin e drejtores së sapoemëruar të Inspektoriatit Kombëtar të Mbrojtjes së Territorit.

Ato kanë thënë se drejtori i këtij Inspektoriati paska dhënë dorëheqjen sepse ka kundërshtuar rifillimin e operacionit “Bregdeti Ynë” me pikërisht aksionin për çbetonizimin e plazhit dhe detit para resortit të zotit Irfan Hysenbelliu. Kjo është krejtësisht e pavërtetë.

Zoti Ajet Zyberi do të drejtojë operacionin e ri kombëtar të Task Forcës kundër lidhjeve të paligjshme të energjisë elektrike, i cili do të nisë javën e ardhshme pas shpalosjes së planit të qeverisë për të përballuar vjeshtë-dimrin në kushtet e krizës ndërkombëtare të energjisë.

MË TEPËR

Aktualitet2 orë më herët

Sejamini: Shqiptarëve u janë vjedhur të gjithë të dhënat, nuk ka asnjë përgjegjës!

Analisti Neritan Sejamini, i ftuar në emisionin “Të Paekspozuarit” në MCN TV, ka folur për publikimin e databazës së personave...

Kryesore3 orë më herët

Berisha me të larguarit nga puna: Sot vendin e specialistit në administratë e kanë zënë patronazhistët

Sot vendin e specialistit dhe ekspertit në administratë e kanë zënë patronazhistët. Kështu deklaroi kreu i Partisë Demokratike Sali Berisha...

Mix3 orë më herët

A është kafeja e mirë për humbje peshe?

Kafeja është padyshim substanca psikoaktive më e njohur në botë dhe ka prova se rrit përqendrimin dhe përmirëson performancën e...

Kioske3 orë më herët

Të jap ç’të duash nga Shqipëria, më lër të bëj ç’të dua në Shqipëri…

Prof. Apollon Baçe 1.  “Sulmi kibernetik iranian nuk e arriti qëllimin, praktikisht sistemet janë kthyer në punë”, deklaroi Rama të...

Radar10 orë më herët

TRANSKRIPTI ZBULON GAFËN – Ambasadorja Yuri Kim ia futi kot, Fevziu nuk e korrigjoi …

Ambasadorja amerikane në Tiranë Yuri Kim ka bërë një gafë në emisionin ‘Opinion’ të para pak ditëve duke mos njohur...

Radar10 orë më herët

Anthony Fauci dyfishoi pasurinë e tij gjatë pandemisë Covid-19 – Raporti

Pasuria neto e shefit të mjekësisë amerikane Anthony Fauci u rrit në 12.6 milionë dollarë në vitin 2021, gati dyfishi...

Kryesore10 orë më herët

Berisha: Sistemi TIMS u sulmua nga hakera qeveritarë për të zhdukur lidhjet e deputetëve me krimin

Kryetari i Partisë Demokratike Sali Berisha deklaroi se sulmi kibernetik i 15 korrikut u bë nga hakera qeveritarë me qëllim...

Kryesore3 ditë më herët

Deklaratat e Yuri Kim, Berisha: Sikur t’i kishte bërë Edi Rama, ‘non-grata’ është vendim i Soros

Kreu i Partisë Demokratike Sali Berisha reagoi pas deklaratës së ambasadores amerikane Yuri Kim e cila u shpreh se do...

Radar3 ditë më herët

Rama është i sigurt se shqiptarët do e besojnë sa herë ai gënjen dhe tallet

Nga Agim Baçi Kryeministri Rama fajësoi gjyqtarët dhe zyrtarët e korruptuar lidhur me ndërtimet pa leje, teksa firmoste për një...

Mix4 ditë më herët

Dua Lipa, pas fotove me Aron Piper, kapet duke u puthur me komedianin e njohur Trevor Noah

Pas lajmit të bujshëm se Dua Lipa mund të kishte nisur një romancë të re me yllin e “Elite”, Aron...

Facebook