Radar
Nga 9.5 do paguani 42 lekë për kilovat
ERE cakton çmimin e ri të energjisë nga 1 tetori/ Si përllogaritet fatura që konsumon mbi 800 kilovat
Enti Rregullator i Energjisë është mbledhur ditën e sotme për të diskutuar aplikimin e Furnizuesit të Shërbimit Universal për vendosjen e fashës prej 800 Kw/h dhe çmimin e ri për konsumin mujor mbi këtë masë për konsumatorët familjarë.
Në mbledhjen e Bordit të ERE, u caktua çmimi i ri i cili konsiston në faktin se kush konsumon 800 kwh do faturohet me 9.5 lekë kwh, ndërsa mbi këtë fashë me 42 lekë për kilovat.
Gjatë diskutimeve u bë përllogaritja duke arritur në konkluzionin se për një familjar që do të konsumojë 850 kilovat për orë, fatura përllogaritet rreth 12.000 lekë të reja.
Çmimi i ri i energjisë elektrike do të hyjë në fuqi, duke nisur nga 1 tetori, çka do të rëndojë më shumë familjet shqiptare..
Për 800 kilovat fatura mujore llogaritet 7600 lekë, për 50 kilovat mbi këtë fashë, shtohen 2100 lekë të tjera, pasi çdo kilovat llogaritet me 42 lekë.
Kësaj fature i shtohet taksa e televizorit prej 100 lekësh të reja, si dhe TVSH prej 1940 lekësh, ç’ka e çon në shifër fikse për 850 kilovat, faturën mujore në 11740 lekë.
Çdo kilovat mbi 800 do të llogaritet me çmimi 42 lekë, nga 1 tetori deri 31 dhjetor 2022, ndërsa më tej do të diskutohet sërish vijimi i çmimit.