Lidhu me ne

Mix

Metoda japoneze: Ja si vihen foshnjat në gjumë për 13 minuta

Metoda japoneze: Ja si vihen foshnjat në gjumë për 13 minuta

Vënia në gjumë e një fëmije të vogël, është shpesh një detyrë shumë sfiduese. Kush është prind e di këtë. Ky problem është kaq shumë i përhapur nëpër botë, sa që një grup shkencëtarësh japonezë, të udhëhequr nga Kumi Kuroda, është munduar të gjejë një zgjidhje, duke publikuar “recetën për një gjumë të qetë” (për foshnjat dhe prindërit).

Studimi analizon në detaje se si ndikojnë lëvizjet në qetësimin e fëmijëve që qajnë. Shkencëtarët krahasuan reagimin e 21 të porsalindurve në 4 situata të ndryshme:në krahët e nënës që qëndron në këmbë, në krahët e nënës ulur, shtrirë në një krevat fëmijësh, dhe shtrirë në një djep që lëkundet.

Falë kamerave video dhe elektrokardiogramave, shkencëtarët ishin në gjendje të vëzhgonin reagimet fiziologjike dhe të sjelljes së fëmijëve. Dhe çfarë zbuluan ata? Kur nëna ecte me fëmijën e saj në krahë, foshnjat që qanin u qetësuan dhe rrahjet e tyre të zemrës u ngadalësuan brenda 30 sekondave.

Një efekt i ngjashëm u pa me vendosjen në djep. Por kjo gjë nuk ndodhte kur nënat e mbanin foshnjën në krahë ndërsa qëndronin ulur (në këtë rast rrahjet e zemrës u rritën), ose kur evendosën në krevatin që nuk lëkundet. Po për sa kohë duhet ecur? Shkenca thotë 5 minuta.

Të gjitha foshnjat që qanin ndaluan pas 5 minutash ecje, duke qenë në krahët e nënës së tyre,dhe gjysmën e tyre e zuri gjumi. Por kini kujdes:”Ecja për 5 minuta e nxit gjumin, por vetëm tek fëmijët që qajnë. Çuditërisht, teknika nuk funksionon tek foshnjat që janë të qetë dhe nuk qajnë”– thotë Kuroda.

Por kur nënat u përpoqën t’i vendosnin fëmijët e tyre në shtrat kur ishin përgjysmë në gjumë, më shumë se 1/3 e tyre u zgjuan plotësisht brenda 20 sekondave. Gjatë eksperimentit ndodhi pikërisht ajo që ndodh zakonisht në realitet. Ekipi i studiuesve zbuloi se të gjitha foshnjat kanë reaksione fiziologjike, përfshirë përshpejtimin e rrahjeve të zemrës, të cilat mund t’i zgjojnë kur trupat e tyre shkëputen nga trupat e nënave të tyre.

“Unë jam nënë e 4 fëmijëve, e megjithatë jam befasuar nga rezultati. Pasi deri më sot mendoja se zgjimi i fëmijës kur vendoset në shtrat lidhej me mënyrën se si është vendosur, delikatesën e lëvizjes dhe pozicionin e tij”– shton më tej Kuroda, drejtuese i grupit kërkimor. Atëherë si zgjidhet problemi i pozicionimit? Studiuesit bënë disa testime, dhe zbuluan se parametri kryesor për të qenë në gjendje të vendosësh në shtrat pa u zgjuar të porsalindurit ishte vonesa e vënies në gjumë. Në praktikë është parë se të vegjlit zgjoheshin nëse vendoseshin shumë shpejt në krevat:ata duhej të flinin në prehrin e nënës edhe për 8 minuta të tjera për të mos u zgjuar kur i vendosnin në djep.

Si përfundim, receta për t’i vënë në gjumë foshnjat që qajnë shumë dhe që s’mund të flenë është: Ecni me fëmijën në krahë për 5 minuta, duke shmangur lëvizjet e papritura. Qëndroni ulur me fëmijën në krahë për 8 minuta të tjera.

Më pas vendoseni fëmijën në krevatin e tij. Shkenca argumenton se kjo procedura është shumë efektive. Pavarësisht se e kanë kryer eksperimentin vetëm me nënat, studiuesit janë të bindur se teknika funksionon edhe me anëtarët e tjerë të familjes. Në këtë pikë, gjithçka që ju mbetet është ta provoni.

MË TEPËR

Radar8 orë më herët

Rama ka futur thika pas shpine ndaj Kosovës në mënyrë të vazhdueshme

Berisha jashtë Parlamentit ndërkohë që flet kryeministri: Rama ka futur thika pas shpine ndaj Kosovës në mënyrë të vazhdueshme Ish-kryeministri...

Mix8 orë më herët

Çfarë është Flaka e Përjetshme në Chestnut Ridge?

Edhe pse që fëmijë na kanë mësuar se uji e shuan zjarrin, në Shtetet e Bashkuara ekziston një ujëvarë brenda së...

Mix8 orë më herët

Jennifer Lopez, këngë dedikuar Ben Affleck

Jennifer Lopez zbuloi së fundmi se do të publikojë këngë dedikuar Ben Affleck. Përmes rrjetit social,Instagram, Jennifer  ndau listën e këngëve...

Mix8 orë më herët

Zgjoheni çdo ditë me sklepa në sytë tuaj? Ja çfarë tregojnë ato për shëndetin

Një grumbullim i papastërtive në cepin e syrit ose tek qerpikët është normale, por një ndryshim në ngjyrë, konsistencë ose...

Mix1 ditë më herët

Elon Musk mund të prodhojë një smartphone nëse Apple e Google bllokojnë Twitter-in

Shefi i Twitter-it, Elon Musk ka thënë se është i hapur për të krijuar smartfonin e tij ‘alternativ’ në rast...

Mix1 ditë më herët

Njeriu më i pasur i Azisë, Gautam Adani shpall ambicien për një media globale

  Gautam Adani dëshiron të krijojë një markë globale lajmesh në shenjë të ndikimit në rritje dhe ambicies ndërkombëtare të...

Mix1 ditë më herët

Elon Musk: Nuk e mbështes Trump në presidenciale, jam me DeSantis!

Teksti i mesazhit është bërë publik si pjesë e një beteje ligjore mes Musk dhe ‘Ars Technica’ Vetëm para pak...

Mix1 ditë më herët

Obeziteti tek fëmijët shkakton pubertet të hershëm, rrezik për sëmundje të rënda

Nëse fëmijët në moshën tre vjeçare kanë peshë të tepërt trupore, ka mundësi që në moshën nëntë vjeçare të hyjnë...

Mix1 ditë më herët

Kjo stërvitje për muskujt e barkut është e shkurtër, por kaq efektive!

PHOTO CREDITS: SKINNY MS Trajnerët shpesh sugjerojnë një rutinë fitnesi jo të njëtrajtshme. Ideja për ta bërë shumëllojshmërinë një pjesë të...

Radar1 ditë më herët

Sot bëhen tre vite nga tërmeti tragjik i 26 nëntorit të 2019-ës, ku humbëm 51 jetë

Kjo e shtunë shënon 3-vjetorin e tërmetit tragjik, që tronditi vendin mëngjesin e 26 nëntorit të vitit 2019, duke i marrë...

Facebook