Shefi i njohur italian: Kam mësuar të gatuaj 3 pjata shqiptare, m’i tregoi një vajzë

Shefi i njohur italian, Luca Pappagallo, është shumë i dashur nga publiku si në Itali ashtu edhe në Shqipëri. Në një interviste për “ABC e Mëngjesit”, Luca ka treguar se ai gatuan edhe disa receta shqiptare, të cilat ja ka mësuar një vajzë….

“Pjata e parë shqiptare që kam gatuar është tava e dheut që ma tregoi një vajzë shqiptare. Nga ai moment kam shtuar në librin tim 3 pjata, kam gatuar biskota me origjinë turke, gurabije më duket quhen, edhe turli kam gatuar.

Në kuzhinën shqiptare ka një lloj influencimi si shumë kultura të tjera. Kombinimi i shijeve mes të ëmblës dhe të kripurës janë fantastike.

Nga ana ime shtoj shumë pak në receta, vajza shqiptare që më ndjek nuk është shumë e sigurt. Ajo i telefon një zonje nga Elbasani dhe i thotë nëse nuk e kemi këtë produkt me kë mund ta zëvendësoj.

Ajo i gatuan këto recetat bashkë me mua dhe më thotë shto më shumë djath, ose diçka tjetër, pasi janë receta që unë nuk i kam provuar më parë. Unë nuk kam ardhur asnjëherë në Shqipëri. Dua të vij që t’i provoj se si gatuhen”, tha Luca.