Lidhu me ne

Radar

‘Karma’ që po ndjek Arben Ahmetajn dhe rruga e ngjashme me Sajmir Tahirin

Në foto: Edi Rama, Arben Ahmetaj dhe Saimir Tahiri

Arben Ahmetaj u shkarkua nga detyra e zv-kryeministrit dhe ministrit për Rindërtimin në korrik të vitit 2022. Shkarkimi nuk ishte i papritur për të.

Edi Rama e lajmëroi largimin e tij gjithë romuze 24 orë para se të firmoste zyrtarisht largimin. Arben Ahmetaj kishte vite që akuzohej nga opozita si i korruptuar dhe po aq kohë ai përgjigjej. Ai ndaloi së bëri komente vetëm kur pozitat e tij u lëkundën përballë kryeministrit Rama.

Ai nuk foli kur u akuzua në media për përfshirje të tij në aferën e inceneratorëve, as kur u aludua më pas se kishte ‘dorëzuar’ bëmat për inceneratorët tek Monika Kryemadhi për të shpëtuar veten, as kur u hoq si drejtues politik i PS për qarkun e Vlorës, as kur nuk u thirr më në mbledhjen e kryesisë si anëtar i organit të lartë vendimmarrës, as kur disa media po kërkojnë me insistim se pse ai është kursyer nga dy prokurorë të SPAK gjatë hetimit për inceneratorët duke i nxjerrë disa pagesa në favor të tij, (me qëndrime në disa prej hoteleve më të shtrenjta në Europë) nga një prej personave të kërkuar, Klodian Zoto, e as kur Ahmetaj mbeti socialisti i paftuar në festat e fundvitit organizuar nga partia.

Arben Ahmetaj po hesht, por karma me shpejtësinë e “tigrit” po e ndjek nga pas. Ish-zyrtarja e Ministrisë së Rindërtimit dhe Programit të Reformave Alda Klosi, ( njeriu më i besuar i Ahmetajt kur ishte në qeveri), sot është në qendër të vëmendjes pas një shumë të madhe parash që pastruesja i ka vjedhur në banesën e marrë me qira.

Zyrtarisht është raportuar për 120 mijë euro ndërsa nuk dihet burimi i mbi 400 mijë eurove të tjera të gjetura në shtëpinë e sanitares Rozeta Dobi, pa folur pastaj për vlerën e bizhuve të vjedhura. Një debat sa etik e ligjor aq edhe moral për punonjës të administratës që iu gjenden shuma të mëdha parash në cash.

Debati i përgjegjësisë dhe llogaridhënies kalon në nivele të tjera kur flitet për ish-bashkëpunëtore të ngushtë të zyrtarëve me detyra të rëndësishme në qeveri si Arben Ahmetaj, shkruan Si. Alda Klosi është zyrtarja më e lartë e gjitha detyrave në qeveri e Arben Ahmetajt që prej 2016-ës e deri në korrik 2022.

Emri i Alda Klosit fillimisht mbeti sekret nga organet e Policisë. Për ta dorëzuar pa doreza më pas tek media jo vetëm si emër, por edhe dosjen e hetimit mbi deklaratat e saj dhe pastrueses. Gjithçka sheshit… 

Në prill të një viti më parë kur krisja me Arben Ahmetajn kishte marrë formë, kryeministri Rama ceku temën e “të vetëve” në një fjalim të gjatë në mbledhjen e kongresit të PS-së.

…në Sharrë, nuk punojnë kartat e kreditit, as parajsat fiskale nuk figurojnë në llogari. Madje, në Sharrë, më mirë përgatituni të shkoni siç dilja unë dikur në plazh, (cullak) se asgjë nuk iu dallon nga ata të tjerët atje. Kështu që, edhe kostumet lëruani djemve, se me burrat e kam. Mua nuk më kanë zgjedhur për të mbajtur nën sqetull këtu dhe për të mbrojtur nga drejtësia, aq më tepër në emër të Partisë Socialiste…”, shprehej Rama.

Kryeministri përmendi botën tjetër, edhe pse identikiti kujt i drejtohej ishte i qartë. E po aq edhe mesazhi. Por, në atë të sotmen, Saimir Tahiri “ylli në ngjitje” i qeverisë së tij ndodhet prapa dyerve të burgut.

Edhe Tahirin fillimisht e ndoqën akuzat, më pas ‘fati i keq’ nga truproja e deri tek dënimi i kushërinjve “të largët”, dorëzimi nga partia e në fund drejtësia. Edhe atëherë Tahiri heshti, pavarësisht zotimit se do të fliste për “të vërtetat” e tij

A është Arben Ahmetaj i dyti pas tij?

Rasti “Tahiri” tregoi se rrugët po duken të ngjashme…Dhe se asgjë nuk i lihet fatit, edhe pse në fillim gjithçka serviret si e tillë. 

MË TEPËR

Mix1 orë më herët

VIDEO/ Po udhëtonte me biçikletë, McGregor përplaset nga një makinë

Conor McGregor ka pësuar një aksident, ku për fatin e tij të mirë nuk ka rezultuar fatal. Irlandezi ishte duke...

Mix1 orë më herët

“Le Doulos”, filmi francez që ndryshoi kinemanë

“Le Doulos” është padyshim bartësi më i dukshëm i këtij ndikimi amerikan, megjithëse nuk ishte aspak filmi i parë kriminal...

Gatime1 orë më herët

Një supë brokoli është ajo çfarë ju duhet, ja si ta përgatisni!

Supa është gjithmonë e shëndetshme, e nëse kombinojmë bokolin me patate e makarona, i shtohen akoma më shumë vlera dhe...

Mix1 orë më herët

Zbulohet çmimi/ Sa do të kushtojë seria e re e Samsung 23

Pas një sërë lajmesh për daljen në treg të serisë së re të Samsung, tashmë është është zbuluar dhe çmimi...

Radar1 orë më herët

Kush është Petr Pavel, presidenti në Çeki

Republika çeke ka tani një ish-gjeneral dhe ish-kryetar të Komisionit Ushtarak të NATO-s si president. Petr Pavel ka qenë i...

Radar2 orë më herët

Donald Trump çel fushatën për zgjedhjet presidenciale 2024

Karolina e Jugut – Ish-Presidenti Donald Trump filloi fushatën e tij për zgjedhjet presidenciale të vitit 2024 me një ndalesë...

Mix2 orë më herët

Ja çfarë bëjnë francezët ndryshe për të jetuar shëndetshëm

Shumica e njerëzve e konsiderojnë me fat të jetojnë deri në 100 vjeç. Por dy gra jetuan shumë përtej kësaj...

Sport24 orë më herët

5 rekorde të Cristiano Ronaldos që Messi mund të thyejë shumë shpejt

Pa përmendur rekordet e Cristiano Ronaldos dhe Leo Messit, historia e futbollit nuk do të ishte e plotë. Dyshja janë...

Mix24 orë më herët

Një telefon i markës Coca-Cola pritet të shfaqet shumë shpejt në treg

Telefoni i markës Coca-Cola është një pajisje që mund të përfshihet në listën e “telefonave të papritur. Coca-Cola po përgatitet...

Sport24 orë më herët

Muralet e jashtëzakonshme që kujtojnë Kobe Bryant (FOTO)

Kobe Bryant ishte një basketbollist profesionist amerikan. Ai kaloi gjithë karrierën e tij 20-vjeçare me Los Angeles Lakers në Shoqatën...

Facebook