“A je ndjerë e seksualizuar?”, u pyet në fillim në një intervistë të dhënë së fundmi aktorja Jessica Alba për shkak të roleve në filmat e saj.

“Unë e kam parë veten si një mjet për të shitur produktin. Domethënë e kam kuptuar që është çështje marketing dhe strategji. Nuk kam parë asgjë të keqe deri këtu. Plus që s`ka ndonjë gjë të keqe të shfaqësh seksualitetin tënd”, tha ajo.

Më pas u pyet në lidhje me gjithë terrenin e vështirë për një grua apo vajzë të vogël (siç ajo e ka nisur karrierën) në Hollivud. Jo pak raste ngacmimesh seksuale dhe madje abuzimesh janë denoncuar publikisht.

“Ka pasur shumë grabitqarë në Hollivud, sidomos kur kam hyrë unë nga mosha 12-26 vjeç. Deri sa mbeta shtatzënë. Si ia dilja përballë këtyre grabitqarëve? Isha e vetëdijshme sa më shumë që të ishte e mundur dhe shfaqja sa më shumë forcë që të mundesha. Pra tregohesha e pakapshme që askush të mos përfitonte nga unë”, tha Jessica Alba për mënyrën sesi e ka menaxhuar.