Radar

Nga Rita Ora te Ilir Shaqiri, VIP-at që janë paguar nga Veliaj për propagandën e 14 majit

Emra të njohur të artit dhe kulturës janë shfaqur prej ditësh në mbështetje të kreut të bashkisë së Tiranës, Erion Veliaj, i cili kandidon për një mandat të tretë në zgjedhjet vendore të 14 majit.

Përmes video-mesazheve në rrjetet sociale, ata u bëjnë thirrje banorëve të Tiranës që ditën e zgjedhjeve të votojnë kandidatin socialist.

Mesazhet e tyre janë shpërndarë edhe nga vetë Veliaj, por edhe përfaqësues të tjerë të PS, ndërsa ata e cilësojnë Veliajn si alternativën më të mirë, ndonëse disa prej tyre as nuk jetojnë në Tiranë.

Mbështetja e tyre duket se e ka një shpjegim dhe nuk vjen nga hiçi.

I tillë është edhe rasti i reperit të njohur Rigels Rajku, i njohur ndryshe si Noizy, i cili shumë herë ka dalë në mbështetje të Erion Veliajt duke thënë se ai e ka ndryshuar totalisht Tiranën.

Reperi i cili reklamon jetën e luksit dhe të gangsterit është blerë nga Erion Veliaj për 50 milionë lekë. Së fundmi,në media u publikua transaksioni që Bashkia Tiranë i ka kaluar kompanisë së Noizyt për një koncert të mbajtur në Tiranë në verën e vitit 2022.

Siç shihet edhe nga transaksioni kompania e quajtur ‘Iliriyan Bloodline’ në pronësi të Rigels Rajku ka marrë një pagesë prej 50 milionë lekësh nga Erion Veliaj si pjesë e projektit art-kultur të bashkisë.

Po sot, edhe kryetari i Partisë së Lirisë, Ilir Meta, në një deklaratë për mediat tha se paratë dhe taksat e shqiptarëve po shkojnë për propagandë dhe për deklarata VIP-ash.

“Të gjitha paratë shkojnë për propagandë dhe për deklarata VIP-ash. Është koha të flasin qytetarët dhe është koha të ndëshkojmë edhe VIP-at që flasin në këmbim të përfitimeve që marrin nga kryetari i komanduar”, tha Ilir Meta.

Një video e publikuar së fundmi tërhoqi jo pak vëmendjen. Bëhet fjalë për artisten me famë botërore, Rita Ora.

Gazetari kosovar Berat Buzhala tha mbrëmë në Syri tv ngriti dyshime të forta se Ora është paguar me miliona para në këmbim të një video propaganduese. Ai tha se Ora nuk jep mbështetje për 100-200 mijë euro, por po flasim për miliona.

“Gjasat janë që po flasim për shifra miliona. Rita Ora nuk jep mbështetje për 100-200 mijë euro, mendoj unë. Nuk e kam asnjë fakt, po e përsëris, prap po folim me një llogjikë të shëndoshë. Shtrojmë një pyetje me sa euro do ta kishte mbështetur një kandidat në Londër, kandidatin e qytetit të Londrës”, tha ai ndër të tjera.

Le të hedhim një sy se cilët janë artistët që kanë dalë në mbështetje të Veliajt deri tani:

Rita Ora

Ilir Shaqiri