Këto pesë ushqime që do të listojmë më poshtë, ju ndihmojnë për të pasur një lëkurë të shëndetshme dhe plotë shkëlqim.

Specat në formë zile

Specat në formën e një zileje jo vetëm që janë të shijshme, por janë edhe shumë të shëndetshme pasi përmbajnë vitamin C. Vitamina C ka veti të rëndësishme antioksidante, rrit imunitetin dhe gjithashtu luan një rol të rëndësishëm në shëndetin e lëkurës. Vitamina C mund të parandalojë dhe trajtojë dëmtimin e lëkurës nga rrezet ultravjollcë (UV) dhe madje luan një rol në shërimin e plagëve.

Shalqini

Çdo qelizë në trupin tuaj ka nevojë për ujë për të funksionuar siç duhet dhe në mënyrë optimale, prandaj ushqimet me përmbajtje të lartë uji janë të dobishme për plotësimin e nevojave tuaja ditore për hidratim. Dy gota me shalqi të prerë në kubikë janë të barabartë me një filxhan plotë me ujë dhe mund t’ju ndihmojë të qëndroni të hidratuar dhe të ruani elasticitetin e lëkurës.

Kefir

Kefir është pija e prodhuar nga fermentimi i qumështit. Vjennë formën e kosit, por më i lëngshëm. Kjo pije e fermentuar është një burim i fuqishëm i probiotikëve të ndryshëm që mund të ndihmojnë në balancimin e mikrobiomës së zorrëve. Rezulton se një zorrë e shëndetshme është thelbësore për shëndetin e përgjithshëm pasi ushqimi në fund shpërbëhet atje, në mënyrë që lëndët ushqyese të mund të shpërndahen në të gjithë trupin. Përfshirja e burimeve ushqimore probiotike, mund të ndihmojnë pozitivisht në mikrobiomën e zorrëve dhe shëndetin e lëkurës.

Arrat

Arrat janë një ushqim me përmbajtje të lartë omega 3. Arrat përmbajnë gjithashtu prebiotikë, e cila është një lloj fibre e patretshme që ushqen probiotikët dhe mund të ndikojë pozitivisht në bakteret e zorrëve, të cilat janë të lidhura me shëndetin e lëkurës.

Luleshtrydhet

Luleshtrydhet janë jo vetëm të shijshme por janë të mbushura me fibra, antikoksidantë dhe vitaminë C, që siç e cilësuam më sipër janë shumë të dobishme për një lëkurë të shëndetshme dhe plot shkëlqim.