Kryesore
Shën Beneti!
Për Benet Becin ka shkruar sot edhe Frrok Çupi. Pse u vonua kaq analisti? Sipas metodës klishe të propagandës, Benet Beci lidhet me të ardhmen e Shkodrës, qyteti ku ai kandidon. Me Benet Becin nis e ardhmja, pa të Shkodra as e kupton dot se në ç’pikë ndodhet. Çupi, njësoj si Bedri Islami i gazetës “Dita” nuk I kursen fjalët, aq sat ë duket e pabesushme sesi mundet njeriu në një farë moshe të shprehet për një kandidat si ndonjë gjysh për nipin me fletë lavdërimi.
Kryeministri i Republikës, Edi Rama, ia arriti të pikturojë portretin e parë të kryebashkiakut yll ku i kanë sytë të gjithë. Edhe kjo është e vetmja e llojit në tre dekada; të tjerat janë njësoj si njëra- tjetra. Shkodra kësaj here i ka vënë emrin e vet datës 14 Maj. Jo pse është tjetër gjë kandidimi i Benet Becit, tridhjetë vjet pasi kishte fituar e ‘njëjta gjë’ dhe kishte bërë atë që ishte aty. Me kryetar bashkie Benetin, Shkodra, sigurisht ndryshon e tëra. Ndryshon si ‘shoqet’ në Shqipëri që janë zbukuruar e presin qetësisht zgjedhjet si spektakël, jo si luftë boshe
shkruan Çupi.
Që siç mund të merret me mend nesër dej, për Benetin që kalon eventualisht te Berisha, mundet ta bëjë yllin katran. Çështja është jo te gara në vetvete, port e patologjia që po shoqëron një emër të vetëm në këtë garë pse aty ka vënë bast Kryeministri. Pritmëritë për Benet Becin po barazohen me ato të apostujve. Xhanëm edhe koha do ndahet para Benet Becit dhe pas tij, vetëm e vetëm që skepticizmi shkodran për sojin e opingës të bjerë.
Është një anomali që lidhet me frikën dhe shpresën e shkatërrimit përfundimtar të ekuilibrave të konfirmuar pas vitit 1990, në një ndarje që ka edhe ajo logjikën e vet. Është anomali sepse po propagandohet ndryshimi me një njeri që ka ngrënë në grazhdin e të dyja partive, që cilësohet si menaxher dhe që politikisht nuk thotë asgjë. Është po ashtu anomali për rendin e gazetarisë, jo për analistët të sojit të sipërpërmendur, që të sajdisin një kandidat, duke mbyllur sytë dhe duke bërë sikur nuk dinë se nga vjen ky njeri. Që hiqet se po sjell Lajmin e Mirë, ndërkohë që edhe në prononcimet e veta dinte vetëm të thoshte: Unë di të gjej Lekë.
/Respublica.al