Kim Kardashian përlotet kur i përmendet ish bashkëshorti Kanye West. Në një episode të fundit në “The Kardashians” ajo ka thënë se nuk mund ta besojë sa shumë ka ndryshuar ai nga burri që ajo njohu në fillim, ndërsa është shprehur se do të bënte gjithçka që ta kthente atë si dikur.

Themeluesja e SKIMS foli me motrën e saj Khloé Kardashian për reperin. Kur u pyet  nëse ishte mirë, Kim mbështeti kokën pas dhe bërtiti se “nuk është mirë”. Duke fshirë lotët nga fytyra e saj, ajo u shpreh: “Unë thjesht nuk mundem. Është shumë ndryshe nga personi me të cilin u martova,” shpjegoi Kim në rrëfimin e saj, duke iu referuar Kanye. “Ky është ai që kam dashur dhe atë kujtoj. Unë do të bëj gjithçka për ta kthyer atë person.”

Kim dhe Kanye u divorcuan në mars 2022 pas gjashtë vitesh martesë. Ish-çifti filloi lidhjen në vitin 2011 dhe priti vajzën e tyre të parë North, 10 vjeç, në qershor 2013. Më në fund ata u martuan në vitin 2014 dhe patën tre fëmijë të tjerë: Saint, 7, Chicago, 5 dhe Psalm, 4.

Në episodin e 1 qershorit të The Kardashians, sipërmarrësja foli për sjelljen e çrregullt të Kanye, duke kujtuar sulmet e tij në internet dhe akuzat e bëra kundër familjes dhe të dashurve të saj. “Është ndjenja më e vështirë të shikosh dikë që e doje vërtet dhe me të cilin ke një familje, të jetë kaq i ndryshëm nga ai që njihje”, tha themeluesja e SKIMS në një rrëfim. “Ndonjëherë më duket sikur ai do të arrinte fundin, ky është udhëtimi i tij që ai duhet ta kuptojë vetë. Unë vrapoja kudo dhe u thoja të gjithëve: “Do të jetë mirë, do të bëhet mirë, mos u shqetëso. Thjesht jepi atij një mundësi tjetër”, tha ajo, duke shtuar: “Unë thjesht nuk e kam atë energji.”